ក្រុម Tottenham បានធ្លាក់ចេញពីពានរង្វាន់ FA Cup ១ទៀតហើយ ក្រោយពីបរាជ័យក្រោមថ្វីជើងរបស់ក្រុម Crystal Palace ២-០ នៅយប់មិញនេះ។
ក្រុម Spurs ក្រោយពីអវត្តមានកីឡាករសំខាន់ៗមក ពួកគេហាក់ដូចជាបរាជ័យផ្ទួនៗតែម្ដង។ ជាក់ស្ដែងនៅយប់មិញ បានចាញ់ក្រុម Palace ២-០ ទៀត ធ្លាក់ចេញពី FA Cup បាត់ទៅហើយ។ ២គ្រាប់របស់ក្រុមដែលដឹកនាំដោយលោក Hodgson នេះធ្វើបានដោយ Wickham នៅនាទី៩ និង Townsend នៅនាទី៣៤។ យ៉ាងណាមិញ ក្រុម Spurs ទទួលបានបាល់ពិន័យ១១ម៉ែត្រ១គ្រាប់ដែរ ប៉ុន្តែធ្វើមិនបានសម្រេចទេ ពីការទាត់របស់ Trippier ។
គិតត្រឹមក្នុង១សប្ដាហ៍កន្លងទៅនេះ ក្រុម Spurs បានធ្លាក់ចេញពី Cup ២ផ្សេងគ្នាតែម្ដង។ ដោយទី១គឺ League Cup ដោយចាញ់ក្រុម Chelsea នៅវគ្គពាក់កណ្ដាលផ្ដាច់ព្រ័ត្រ និងយប់មិញចាញ់ក្រុម Palace នៅ FA Cup ទៀតក្នុងជុំទី៤៕ប្រភព៖ Dailymail
