ក្រុម PSG បានបញ្ជាក់ថាខ្សែប្រយុទ្ធ Neymar បានរងរបួសជើងអំឡុងពេលលេងជាមួយក្រុម Strasbourg កាលពីយប់មិញនេះ ដែលជាក្ដីកង្វល់សម្រាប់ក្រុមលេងប៉ះ Man Utd ខែក្រោយ។
របួសជើងរបស់ Neymar នេះគឺចំកន្លែងដដែល ដែលធ្លាប់ធ្វើឱ្យរូបគេអវត្តមានច្រើនខែ ហើយសឹងតែមិនអាចចូលលេងឱ្យក្រុមប្រេស៊ីលកាល World Cup 2018 ថែមទៀតផង។ ខណៈដែលវាក៏កំពុងតែធ្វើឱ្យលោក Thomas Tuchel ឈឺក្បាលផងដែរ ត្បិតអីក្រុម PSG ត្រូវមានប្រកួតសំខាន់នាខែក្រោយនេះ ដោយប៉ះក្រុម Man Utd ក្នុងការប្រកួតវគ្គ១៦ក្រុមចុងក្រោយ UEFA Champions League ។
“របួសនេះមិនធម្មតាទេ ព្រោះវាកើតនៅកន្លែងដដែល ជើងខាងស្ដាំ។ យើងមិនទាន់ដឹងដំណឹងថាគាត់នឹងត្រូវសម្រាកប៉ុន្មានសប្ដាហ៍ឡើយ។ គាត់កំពុងសម្រាកនៅមន្ទីរពេទ្យ ហើយខ្ញុំកំពុងរង់ចាំដំណឹងនៃរបួសរបស់គាត់”។ សម្ដីលោក Tuchel ៕ប្រភព៖ Dailymail