Manny Pacquiao បានរងរបួសភ្នែកធ្ងន់ធ្ងរ ក្នុងការប្រកួតទល់ Broner កាលពីថ្ងៃអាទិត្យកន្លងទៅ បើទោះជាលោកបានយកឈ្នះពិន្ទុបានយ៉ាងស្រួលក៏ដោយ។
Pacquiao បានទៅពិនិត្យភ្នែករបស់លោកបានពីម្សិលមិញនេះ ក្រោយពីមានការឈឺចាប់បន្ទាប់ពីការប្រកួតនោះទៅ។ មានអ្នកគាំទ្រជាច្រើនបារម្ភចំពោះភ្នែករបស់កីឡាករប្រដាល់ម្នាក់នេះខ្លាំង ត្បិតអីវាអាចបង្កឱ្យមានការប៉ះពាល់ខ្លាំងទៅលើអាជីពប្រដាល់ បើសិនជាភ្នែកមានបញ្ហាមើលមិនច្បាស់។ យ៉ាងណាមិញ ក្រុមគ្រូពេទ្យបានបញ្ជាក់ថាមិនមានអ្វីធ្ងន់ធ្ងរខ្លាំងទេ ដោយគ្រាន់តែតម្រូវឱ្យពាក់វ៉ែនតាខ្មៅសិន ដើម្បីព្យាបាលស្រទាប់ភ្នែក។
ជាមួយនឹងការរបួសនេះដែរ នៅយប់ថ្ងៃប្រកួតនោះ ក៏មានក្រុមចោរគាស់ផ្ទះរបស់កីឡាករហ្វីលីពីននេះនៅសរដ្ឋអាមេរិកនោះដែរ។ ប៉ុន្តែមិនទាន់ដឹងថាមានបាត់របស់របរអ្វីខ្លះនៅឡើយទេ៕ប្រភព៖ ESPN