Rashford កំពុងបង្ហាញសមត្ថភាពល្អមែនទែននៅក្រុមបិសាចក្រហម Manchester United ដោយក្រោមការដឹកនាំរបស់លោកSolskjaer គឺរូបគេជាខ្សែប្រយុទ្ធមិនអាចខ្វះបានទៅហើយ។
ត្រឹមវ័យ២១ឆ្នាំនេះ Rashford បានបង្ហាញខ្លួនឱ្យក្រុមបិសាចក្រហម ១៥០ប្រកួតហើយ។ ខណៈដែលក្នុងនោះទៀតសោត រូបគេក៏តែងតែជាប់ជម្រើស១១នាក់ដំបូងផងដែរ ក្រោមការដឹកនាំរបស់អ្នកចាត់ការបណ្ដោះអាសន្ននាពេលបច្ចុប្បន្ន។ លោក Solskjaer បានប្រៀបធៀបកីឡាករវ័យក្មេងនេះ ទៅនឹង Cristiano Ronaldo និង Rooney ហើយនិយាយទៀតថាយុវជនម្នាក់នេះអាចល្អជាងកីឡាករ២នាក់នេះទៀតផង។
“បើយើងប្រៀបធៀប ខ្ញុំអាចប្រាប់អ្នករាល់គ្នាថា គាត់ក្មេងជាង Ronaldo និង Rooney ដែលអាចលេងបាន១៥០ប្រកួតឱ្យបិសាចក្រហម។ វាមិនអាក្រក់ទេមែនទេ? ១៥០ប្រកួត ត្រឹមវ័យ២១ឆ្នាំ ជាមួយទម្រង់លេងខ្ពស់បំផុតមួយ។ Rashford តែងតែប្រឹងជានិច្ច ទាំងហ្វឹកហាត់និងលេងផ្ទាល់។ គាត់មិនដែលស្ទាក់ស្ទើរចិត្តនោះទេក្នុងការបញ្ចប់ទី ហើយនេះជាអ្វីដែលខ្សែប្រយុទ្ធត្រូវមាន”៕ប្រភពDailyMail
