ក្រុមអ្នកគាំទ្ររបស់ Real Madrid នៅអេស្ប៉ាញចង់បានលោក Jurgen Klopp ទៅដឹកនាំក្រុមនៅរដូវកាលថ្មីខាងមុខនេះ។ នេះបើតាមការស្រង់មតិពីខាង AS ។
Zidane បានធ្វើឱ្យអ្នកគាំទ្រភ្ញាក់ផ្អើល ដោយប្រកាសចុះចេញពីតំណែង ក្រោយពីដឹកនាំក្រុមឈ្នះពាន UEFA Champions League ៣ឆ្នាំជាប់គ្នា។ ក្លឹបយក្សនៅអេស្ប៉ាញ ក្រោយពីអ្នកចាត់ការចាកចេញទៅ បច្ចុប្បន្នកំពុងតែស្វែងរកអ្នកថ្មី ប៉ុន្តែមិនទាន់ប្រាកដថាយកម្នាក់ណានៅឡើយទេ។ ស្របពេលដែលអ្នកកាសែតជាច្រើនជឿជាក់ថា Pochettino គឺជាបុរសមានភាគរយខ្ពស់។
ផ្ទុយទៅវិញ អ្នកគាំទ្រនៅអេស្ប៉ាញ បែរជាយល់ខុសពីមតិខាងលើទៅវិញ។ ពួកគេបានធ្វើការបោះឆ្នោតឱ្យលោក Klopp ច្រើនជាងគេ ក្នុងនាមជាអ្នកចាត់ការថ្មីរបស់ក្រុម Real Madrid ។ Klopp ទទួលបានសំឡេងគាំទ្ររហូតដល់ជាង១សែននាក់ឯណោះ ក្នុងចំណោមក្រុមអ្នកគាំទ្រអធិរាជស។ ដែលចំនួននេះស្មើនឹង៤១% បើធៀបជាមួយ Pochettino វិញ ទទួលបានតែ៣៤%ប៉ុណ្ណោះ៕ប្រភព៖ DailyMail
