អ្នកប្រដាល់ Manny Pacquiao នឹងត្រូវឡើងសង្វៀនប្រកួតជាមួយកីឡាករអាមេរិក Adrien Broner នៅថ្ងៃស្អែកនេះហើយ ក្នុងសង្វៀននាទីក្រុង Las Vegas សហរដ្ឋអាមេរិក។
Pacquiao ក្នុងការប្រកួតនេះ ត្រូវបានអ្នកកាសែតជាច្រើនចោទសួរជាសំណួរទាក់ទងទៅនឹងការឡើងវាយញឹកញាប់ ខណៈដែលអាយុវិញរូបគេវ័យដល់៤០ឆ្នាំទៅហើយ។ បុរសហ្វីលីពីនខាងលើបានឆ្លើយទាំងញញឹមថា៖ “អាយុគ្រាន់តែជាតួលេខប៉ុណ្ណោះសម្រាប់ខ្ញុំ។ វាមិនមានបញ្ហាអ្វីទេ គ្រាន់តែអាយុច្រើននោះ ខ្ញុំនៅមានអារម្មណ៍ថាខ្លួននៅក្មេងដដែល កម្លាំងពេញ ហើយថ្ងៃស្អែកខ្ញុំនឹងបង្ហាញវាទៅអ្នកគ្រប់គ្នា ថាខ្ញុំអាយុ៤០ប៉ុន្តែអាចវៃបានល្អដដែល”។
ដោយឡែកសម្រាប់ Broner វិញ បាននិយាយចំពោះការប្រកួតនេះដែរថា៖ “វាពិតជាឱកាសកម្រណាស់សម្រាប់ខ្ញុំ។ បន្ទាប់ពីខ្ញុំឈ្នះនៅថ្ងៃស្អែក ខ្ញុំនឹងក្លាយជាវីរបុរសម្នាក់ហើយ។ ខ្ញុំនឹងឈ្នះគេឱ្យបាននៅលើសង្វៀន ហើយបន្ទាប់មកខ្ញុំនៅបបួលគេទៅញ៉ាំស្រាជាមួយគ្នា”៕ប្រភពDailyMail
