ខ្សែប្រយុទ្ធ Gareth Bale បានរងរបួសអំឡុងពេលក្រុម Real Madrid លេងបានត្រឹម Villarreal ២-២ កាលពីយប់ម្សិលមិញនេះ។
របួសជើងនោះដែរ នឹងធ្វើឱ្យរូបគេអវត្តមានពីក្រុមប្រមាណពី១០ទៅ១៥ថ្ងៃឯណោះ។ ចំនួនថ្ងៃនេះ អាចនឹងធ្វើឱ្យរូបគេមិនបានជួយក្រុមបានយ៉ាងតិច៣ប្រកួតនៅពេលខាងមុខនេះ។ គិតត្រឹមពេលបច្ចុប្បន្ននេះ Bale បានក្លាយជាកីឡាកររបួសច្រើនមែនទែននៅក្លឹប Real Madrid ។
កីឡាករជម្រើសជាតិវែលខាងលើនេះ ចាប់តាំងពីចូលលេងឱ្យ Real Madrid មក រូបគេរងរបួស១៨ដងមកហើយ ដោយគិតជាថ្ងៃវិញនោះមានចំនួន៣២៣ថ្ងៃ និងអវត្តមានការប្រកួតដល់ទៅ៦៥ប្រកួតឯណោះ៕ប្រភពmarca