ក្រុម Spurs និង Arsenal សុទ្ធតែរកបាន៣ពិន្ទុបន្ថែមដូចគ្នា ក្នុងការប្រកួតកាលពីយប់មិញ។ ដោយ Spurs យកឈ្នះលើក្រុម Cardiff City ៣-០ និងក្រុម Arsenal យកឈ្នះលើក្រុម Fulham ៤-១។
Spurs បានរងការឈឺចាប់ក្នុងការប្រកួតកន្លងទៅនេះ ដោយចាញ់ក្រុម Wolver ក្នុងដីខ្លួនឯង ៣-១។ ការបរាជ័យនោះ បានធ្វើឱ្យឱកាសប្រជែងនៅយកលេខ១ជាមួយក្រុម Liverpool ងាកឆ្ងាយបន្តិចទៅហើយ។ យ៉ាងណាមិញ ការប្រកួតនៅយប់មិញនេះ ពួកគេធ្វើបានល្អវិញ ដោយឈ្នះក្រុម Cardiff City ៣-០។ ៣គ្រាប់នោះធ្វើបានដោយ Harry Kane នាទី៣ Christian Eriksen នាទី១៣ និងកីឡាករកូរ៉េខាងត្បូង Heung Min-Son នាទី២៧ ។
ដោយឡែក ក្រុម Arsenal វិញក៏មិនធ្វើឱ្យអ្នកគាំទ្រខកចិត្តដែរ។ ពួកគេបានយកឈ្នះលើក្រុម Fulham បានដល់ទៅ៤ -១ ឯណោះ។ ដោយ៤គ្រាប់នោះ ធ្វើបានសម្រេចដោយ Xhaka នាទី២៥ Lacazette នាទី៥៥ Ramsey នាទី៧៩ និង Aubameyang នាទី៨៣។ បាន៣ពិន្ទុយបមិញនេះ ធ្វើឱ្យពួកគេចាញ់ក្រុម Chelsea ដែលឈរនៅលេខ៤ក្នុងតារាងតែ២ពិន្ទុប៉ុណ្ណោះ ប៉ុន្តែក្រុម Chelsea នៅសល់១ប្រកួតក្នុងដៃទៀត៕ប្រភពDailyMail
