កីឡាករម្នាក់របស់ក្លឹប Galatasaray ធ្វើពុតជាឈឺ ដើម្បីគេចពីការប្រកួត បានទៅដើរលេងជាមួយមិត្តស្រីរបស់ខ្លួនយ៉ាងសប្បាយរីករាយ។ ប៉ុន្តែចុងក្រោយក្លឹបនៅតែដឹង នឹងមិនហៅរូបគេមករួមក្រុមវិញទេ។
ខ្សែការពារ Serdar Aziz បានប្រាប់ទៅក្លឹប Galatasaray ថារូបគេឈឺក្រពះ មិនបានចួលរួមប្រកួតជាមួយក្រុម Sivasspor បានឡើយ។ ដោយសារតែប្រាប់ថាឈឺដូច្នេះ ក្លឹបក៏បានអនុញ្ញាតឱ្យរូបគេសម្រាកទៅផ្ទះទៅ ដើម្បីឱ្យឆាប់ជាសះស្បើយពីជំងឺ។ តែផ្ទុយទៅវិញ មិនមកជួយក្រុមនេះ រូបគេបែរជានាំសង្សារទៅលំហែរកាយនៅកោះម៉ាឌីវ យ៉ាងសប្បាយរីករាយទៅវិញ ធ្វើឱ្យខាងក្លឹបដឹង និងថ្នាក់ដឹកនាំខឹងជាខ្លាំង។
ការភូតកុហកដល់ក្រុមនេះដែរ ធ្វើឱ្យក្លឹបបានចេញសេចក្ដីប្រកាសថាមិនបាច់ឱ្យរូបគេត្រលប់មករួមក្រុមវិញនោះទេ ហើយឱ្យដើរលេងសម្រាកឱ្យសប្បាយអស់ចិត្តទៅចុះ។ បច្ចុប្បន្ន ក្លឹប Galatasaray កំពុងនៅលេខរៀងទី៥ ក្នុងតារាងលីគកំពូលទួរគី កន្លែងដែលមិនបានលេង UEFA Champions League ឡើយនៅឆ្នាំក្រោយ៕ប្រភពFoxsportsasia
