Solskjaer អ្នកចាត់ការក្រុម Manchester United បានចូលខ្លួនដឹកនាំក្រុមជាលើកដំបូងកាលពីយប់មិញនេះហើយ ដោយឈ្នះក្រុម Cardiff ក្នុងលទ្ធផល ៥-១។ការឈ្នះដល់ទៅ៥គ្រាប់នេះដែរ គឺជាការធ្វើបានជាថ្មីម្ដងទៀត ក្រោយពីលោក Sir Alex ចាកចេញទៅ។ ហើយការប្រកួតយប់មិញនេះ គេសង្កេតឃើញកីឡាករលេងហាក់ដូចជាសប្បាយចិត្ត និងការប្រកួត ជាជាងការប្រកួតដទៃទៀត។
លោកSolskjaer បាននិយាយក្រោយចប់ការប្រកួតថា៖ “បាល់ទាត់មិនពិបាកដឹកនាំទេ បើអ្នកមានកីឡាករល្អៗច្រើននោះ។ ក្រុមរបស់យើង មានកីឡាករល្អច្រើន ពួកគេបានទទួលខ្ញុំបានយ៉ាងល្អ។ ខ្ញុំមានឱកាសនៅជាមួយពួកគេរយៈពេលខ្លីប៉ុណ្ណោះ មុនមកដឹកនាំក្រុមនេះ។ ខ្ញុំមិនបានប្រាប់គាត់ច្រើនទេ ប៉ុន្តែគាត់គឺមានទេពកោសល្យផ្ទាល់តែម្ដង”។
វីរបុរសរបស់បិសាចក្រហមខាងលើបានបន្ថែមទៀតថា ការមកដឹកនាំក្រុមនេះ គឺលោកទទួលបានការណែនាំច្រើនមែនទែនពីសំណាក់វិរបុរសក្រុមដទៃទៀត។ ដោយក្នុងនោះ Rooney ក៏បានផ្ញើសារមកផ្ដល់ជាយោបល់ដល់លោកផងដែរ ក្នុងការដឹកនាំក្រុមនេះ៕
ប្រភព៖ DailyMail
