លោក លី វណ្ណា ដែលត្រូវបានគេដឹងថាមានដើមកំណើតខ្មែរ កំពុងព្យាយាមទិញយកក្លឹបមួយនៅលីគកំពូលប៉ូឡូញឈ្មោះថា Wisła Kraków ។
ក្លឹប Wisła Kraków នេះកំពុងជួបវិបត្តិហិរញ្ញវត្ថុ ដែលនឹងឈានទៅរកភាពក្ស័យធនហើយនាពេលអនាគត។ យ៉ាងណាមិញ បើតាមវិបសាយ polandin មានអ្នកជំនួញ២រូបចង់ទិញក្លឹបនេះ ១០០%តែម្ដង។ ដោយម្នាក់ឈ្មោះ លី វណ្ណា អ្នកជំនួញដើមកំណើតជាខ្មែរ និងម្នាក់ទៀតជាជនជាតិអង់គ្លេស។ លោក វណ្ណា ចង់បានក្លឹបនេះ៦០% និងដៃគូរបស់លោកជនជាតិអង់គ្លេស ចង់បាន៤០%។ ដំណើរការនៃការសម្រេចទិញដូរនេះ នឹងបញ្ចប់នៅពេលខ្លីខាងមុខនេះ។
មិនមានការបញ្ជាក់ច្បាស់ច្រើនពីលោក លី វណ្ណា ខាងលើនេះទេ។ ប៉ុន្តែគេដឹងថាលោកមានក្រុមហ៊ុនជាច្រើននៅអឺរ៉ុប។ ជាពិសេសនោះ អ្នកជំនួញរូបនេះ ក៏ជាអ្នកមានភាគហ៊ុនតាមក្លឹបធំៗជាច្រើនដូចជា New York City, Slavia Praga, Yokohama FCនិង Vitoria Guimaraes ជាដើមផងដែរ៕ប្រភពpolandin