Napoli នឹងត្រូវតតាំងជាមួយក្រុម Liverpool នៅការប្រកួតចុងក្រោយ សន្សំពិន្ទុពានរង្វាន់ UEFA Champions League នៅម៉ោង៣រំលងអាធ្រាត្រនេះហើយ។
Carlo Ancelotti អ្នកចាត់ការក្រុម Napoli បានបញ្ជាក់ថាការប្រកួតជាមួយក្រុម Liverpool នេះ គឺក្រុមរបស់លោកមិនមែនមកប្រកួតដើម្បីធ្លាក់ចេញនោះទេ។ ជាក់ស្ដែង ក្រុមទាំងមូលមានឆន្ទៈដើម្បីឡើងទៅវគ្គបន្ដ។ “Anfield ជាកីឡដ្ឋានដ៏ស្រស់ស្អាត យើងមកលេងនៅទីនេះ គឺពិតជារឿងសប្បាយចិត្តមួយ។ ប៉ុន្តែយើងក៏ត្រូវការជ័យជម្នះត្រលប់ទៅវិញដែរ”។
អតីតអ្នកចាត់ការក្រុម Real Madrid ខាងលើបានបន្ដថាអ្នកគាំទ្រ Liverpool នឹងដាក់បន្ទុកដល់ក្រុមរបស់លោក ប៉ុន្តែទន្ទឹមគ្នានោះ ក៏នឹងមានអ្នកគាំទ្រ Napoli មកជួយលើកទឹកចិត្តយើងដែរ។ ស្របពេលរាប់ពាន់នាក់ទៀត នឹងគាំទ្រពីចម្ងាយ។ ដូច្នេះ Napoli មិនត្រូវធ្វើឱ្យអ្នកគាំទ្រខកចិត្តទេ៕ប្រភពDailyMail
