Cancelo បានចាប់ផ្តើមការប្រកួតលីគចំនួន ២២ដង ក្នុងចំណោម ២៦ប្រកួតដែល Barca បានលេងចាប់តាំងពីគាត់បានមកដល់ក្នុងលក្ខខណ្ឌខ្ចីជើងពី Manchester City នៅចុងទីផ្សារដោះដូរកីឡាកររដូវក្តៅ។ ប៉ុន្តែនៅថ្មីៗនេះ Joao Cancelo បានអវត្តមានអំឡុងពេល Barcelona យកឈ្នះ Atletico Madrid ក្នុង La Liga នៅចុងសប្តាហ៍នេះ។យោងតាមរបាយការណ៍ពី RAC1 កីឡាករ Cancelo បានទទួលការណែនាំពីគ្រូពេទ្យឲ្យសម្រាកពីការប្រកួត។ សាច់ញាតិរបស់ខ្សែការពាររូបនេះម្នាក់ត្រូវបានគេធ្វើរោគវិនិច្ឆ័យថាមានជម្ងឺ.បេះដូង ហើយបុគ្គលិកក្លឹបចង់ការពារបញ្ហានេះទៅលើកីឡាករ ព្រោះវាជាជំងឺតំណពូជដែលអាចប៉ះពាល់ដល់គាត់ផងដែរ។
បញ្ហាបេះដូងដែលមិនបានធ្វើរោគវិនិច្ឆ័យឲ្យបានច្បាស់លាស់ អាចគំរាមកំហែងដល់អាយុជីវិតក្នុងកីឡាបាល់ទាត់អាជីព ហើយការប្រុងប្រយ័ត្នគឺសំខាន់ណាស់ ប្រសិនបើមានឱកាសតែបន្តិចបន្តួច ក៏កីឡាករអាចងាយរងគ្រោះបានផងដែរ។Sergio Aguero បានចូលនិវត្តន៍ត្រឹមតែ ៤ប្រកួតក្នុងអាជីព Barcelona របស់គាត់កាលពីរដូវកាលមុន បន្ទាប់ពីមានអាក្តារៈមិនស្រួលក្នុងទ្រូង ដែលក្រោយមកត្រូវបានបង្ហាញដោយការធ្វើតេស្តនៅមន្ទីរពេទ្យថាជាជំងឺ.បេះដូង។ Daley Blind ត្រូវបានគេធ្វើរោគវិនិច្ឆ័យថាមានការរលាក.សាច់ដុំ.បេះដូង បន្ទាប់ពីមានអាក្តារៈវិលមុខអំឡុងពេលប្រកួតមួយក្នុងឆ្នាំ ២០១៩ ដែលក្រោយមកត្រូវបានបំពាក់ជាមួយនឹងឧបករណ៍ដែលអាចជួយផ្សាំបេះដូងបាន (ICD) ដែលនឹងរកឃើញចង្វាក់បេះដូងមិនទៀងទាត់។ Christian Eriksen លេងជាមួយឧបករណ៍ស្រដៀងគ្នា ដែលបំពាក់បន្ទាប់ពីគាត់បានដួលនៅលើទីលាននៅ Euro ២០២០។
គួរឲ្យសោកស្ដាយ សោក.នាដកម្មបានកើតមានករណីជាច្រើនក្នុងរយៈពេលជាច្រើនឆ្នាំកន្លងមកនេះ។ Marc-Vivien Foe បានទទួលមរ.ណៈភាពក្នុងឆ្នាំ ២០០៣ នៅពេលដែលគាត់បានដួលក្នុងអំឡុងពេលការប្រកួត Confederations Cup ខណៈដែលជំងឺ.បេះដូងពីកំណើតត្រូវបានសន្មតថាជាមូលហេតុនៃការស្លា.ប់របស់ខ្សែការពារ Sevilla Antonio Puerta ក្នុងឆ្នាំ ២០០៧៕