ប៉ូលីសបានឆែកឆេរទីស្នាក់ការកណ្តាលរបស់សហព័ន្ធបាល់ទាត់អេស្ប៉ាញ (RFEF) និងអាផាតមិនដែលជាកម្មសិទ្ធិរបស់អតីតប្រធានសហព័ន្ធ លោក Luis Rubiales កាលពីថ្ងៃពុធក្នុងការស៊ើបអង្កេតករណីអំពើ.ពុក.រ.លួយលើកិច្ចព្រមព្រៀងដែលមានតម្លៃរាប់លានអឺរ៉ូដើម្បីផ្លាស់ប្តូរទីតាំងនៃការប្រកួត Spanish Super Cup ទៅកាន់ប្រទេសអារ៉ាប៊ីសាអូឌីត។ប្រភពតុលាការបាននិយាយថា តុលាការអេស្ប៉ាញបានធ្វើការស៊ើបអង្កេតចាប់តាំងពីខែមិថុនា ឆ្នាំ២០២២ ថាតើ Rubiales បានប្រព្រឹត្តបទ.ឧក្រិ.ដ្ឋនៃការគ្រប់គ្រងមិនត្រឹមត្រូវដែរឬទេ នៅពេលដែល RFEF បានយល់ព្រមជាមួយក្រុមហ៊ុន Kosmos របស់អតីតកីឡាករ Barcelona លោក Gerard Pique ដើម្បីផ្លាស់ប្តូរទីតាំងនៃការប្រកួតនេះ។

Rubiales មិនបានឆ្លើយតបភ្លាមៗចំពោះសំណើរបស់ Reuters ដើម្បីសុំការអត្ថាធិប្បាយទេ ប៉ុន្តែគាត់ធ្លាប់បានបដិសេធថាមិនធ្វើខុសនោះទេ ហើយ RFEF ក៏បានបដិសេធមិនធ្វើអត្ថាធិប្បាយផងដែរ។RFEF ក្នុងឆ្នាំ២០១៩ បានយល់ព្រមលើកិច្ចព្រមព្រៀងរយៈពេល ៣ឆ្នាំដែលមានតម្លៃ ១២០លានអឺរ៉ូ ជាមួយអាជ្ញាធរកីឡាអារ៉ាប៊ីសាអូឌីតដើម្បីធ្វើការប្រកួតនៅប្រទេសអារ៉ាប៊ីសាអូឌីត។ ប្រភពបានប្រាប់ Reuters ថាចៅក្រម លោក Delia Rodrigo Diaz បានបញ្ជាឱ្យស្វែងរកមូលដ្ឋានថ្មីនៅ Madrid របស់ RFEF និងផ្ទះល្វែង Granada របស់ Rubiales ដែលជាផ្នែកមួយនៃការស៊ើបអង្កេត។ការិយាល័យរដ្ឋអាជ្ញាជាតិបាននិយាយថា ការស៊ើបអង្កេតកំពុងស្វែងរកអំពើពុក.រលួយក្នុងអាជីវកម្ម ការគ្រប់គ្រងមិនត្រឹមត្រូវនៃទ្រព្យសម្បត្តិ និងការលាង.លុយ។ ប៉ូលីសបានធ្វើការឆែកឆេរសរុបចំនួន ១១នៅទីតាំងនៅទូទាំងប្រទេសអេស្ប៉ាញទាក់ទងនឹងករណីនេះ ហើយការិយាល័យរដ្ឋអាជ្ញាបាននិយាយថា ខ្លួនរំពឹងថាមនុស្ស ៧នាក់នឹងត្រូវចាប់.ខ្លួន៕