អតីតអ្នកចាត់ការ Ajax លោក Erik ten Hag អាចនឹងនៅសល់ពេលបួនខែទៀត ដើម្បីបង្ហាញថាគាត់ជាគ្រូបង្វឹកសក្តិសមក្នុងការដឹកនាំ Man United ទៅកាន់យុគសម័យថ្មី។
នៅពេលដែលម្ចាស់កម្មសិទ្ធិថ្មីចូលមក ជាធម្មតាតែងតែការតែងតាំងអ្នកចាត់ការថ្មី ដែលម្ចាស់ថ្មីមានអារម្មណ៍ថាពួកគេពេញចិត្ត ឧទាហរណ៍ ការតែងតាំង Jose Mourinho ជាមួយ Abramovich ឬ Todd Boehly បណ្តេញ Thomas Tuchel តែងតាំង Graham Potter។
ការងារដ៏អស្ចារ្យនៃរដូវកាលមុនមិនអាចត្រូវបានគេមើលរំលងឡើយ។ Ten Hag បានជួយក្លឹបចេញពីយុគសម័យ Rangnick ដ៏មហន្តរាយ ឈ្នះពានមួយ និងធ្វើអោយ Man United ត្រលប់ទៅ Champions League វិញ។ រដូវកាលនេះមានរឿងខុសប្លែកពីដំបូង។ United បានចាញ់ ៩ដងរួចមកហើយនៅក្នុងលីគ ដែលច្រើនជាងក្រុមផ្សេងទៀតនៅក្នុងក្រុមកំពូលតារាងទាំង៨។
ទោះជាយ៉ាងណាក៏ដោយ យើងបានឃើញទិដ្ឋភាពនៃការកែលម្អរួចហើយ ប៉ុន្តែថាតើវានៅតែបន្តរហូតដល់ចុងបញ្ចប់នៃរដូវកាលនេះឬយ៉ាងណា វានឹងសម្រេចជោគវាសនារបស់អ្នកចាត់ការហូឡង់នៅពេល INEOS ចូលគ្រប់គ្រង៕
