Messi ដែលមានរបួសសរសៃពួរបានអង្គុយលើកៅអីបម្រុង ខណៈក្រុមបានយកឈ្នះលើក្រុម Hong Kong XI ក្នុងលទ្ធផល 4-1 ដែលក្រោយមកទទួលរងនឹងការខឹងសម្បារពីសំណាក់អ្នកគាំទ្រហុងកុង។សហម្ចាស់ក្លឹប Inter លោក David Beckham ក៏ត្រូវបានស្វាគមន៍ដោយសំឡេងជេរឌឺដងក្នុងសុន្ទរកថាក្រោយការប្រកួត ខណៈពេលដែលរដ្ឋាភិបាលហុងកុងក្រោយមកបានសម្តែងការខកចិត្តយ៉ាងខ្លាំងចំពោះ Messi ដែលមិនបានលេង និងអ្នករៀបចំការប្រកួតដែលខកខានក្នុងការផ្តល់ការពន្យល់លម្អិតភ្លាមៗ។ចាប់តាំងពីពេលនោះមក ក្រុម MLS របស់ Beckham បានហោះទៅលេងនៅប្រទេសជប៉ុន ជាកន្លែងដែលពួកគេនឹងប្រកួតជាមួយ Vissel Kobe នៅថ្ងៃពុធ ហើយតារាឆ្នើមអាហ្សង់ទីន Messi បានហ្វឹកហាត់នៅថ្ងៃអង្គារ។
Messi បាននិយាយនៅក្នុងសន្និសីទសារព័ត៌មានថា៖
“ជាអកុសល នៅក្នុងកីឡាបាល់ទាត់ របួសអាចកេីតឡេីងចំពេលប្រកូតណាមួយដែលយេីងមិនបានដឹងមុន។ វាបានកេីតឡេីងចំពោះខ្ញុំ។ខ្ញុំមិនអាចលេងក្នុងការប្រកួតហុងកុងបានទេ ហើយវាជារឿងដ៏អាម៉ាស់មួយ ដោយសារខ្ញុំតែងតែចង់លេង ខ្ញុំចង់លេងនៅទីនោះ ហើយលើសពីនេះទៅទៀតនៅចំពេលដែលមានការប្រកួតបែបនេះទៀត។
ខ្ញុំសង្ឃឹមថាយើងអាចត្រឡប់មកវិញម្តងទៀត ហើយប្រកួតម្តងទៀត ហើយខ្ញុំអាចលេងដូចដែលខ្ញុំធ្វើគ្រប់ពេលកន្លងមក។ ប៉ុន្តែការពិតគឺថា ថ្ងៃមុន វាជាការប្រកួតដែលខ្ញុំពិតជាមិនអាចចូលលេងបានមែន”៕