ការបង្ហាញខ្លួនរបស់ Messi ដែលរង់ចាំយ៉ាងអន្ទះសារនៅទីក្រុងហុងកុងបានបញ្ចប់ទៅដោយអ្នកគាំទ្រមិនបានឃើញគាត់លេង ខណៈដែលគាត់បានអង្គុយនៅកៅអីបម្រុង 90 នាទីពេញ។
កេីតមានឈុតឆាកខឹងសម្បារ ខណៈអ្នកទស្សនាបានឌឺដងឲ្យក្រុមភ្ញៀវ និងសហម្ចាស់របស់ពួកគេ David Beckham ដោយស្រែក Boo និងស្រែកឲ្យសងប្រាក់ពួកគេវិញ។
Messi ដែលមានអ្នកគាំទ្រច្រើនជាង 40,000 នាក់បានចំណាយប្រាក់យ៉ាងច្រេីនដើម្បីមើលការលេងនោះបានរបួសសរសៃពួរ ហើយនៅតែមិនអាចលេងក្នុងនាមជាកីឡាករប្តូរចូលជំនួស។
ក្រោយមក ការប៉ុនប៉ងរបស់ Beckham ក្នុងការនិយាយទៅកាន់ហ្វូងអ្នកគាំទ្រត្រូវបានបរាជ័យដោយការស្រែក Boo ខណៈមនុស្សជាច្រើនកំពុងឆ្ពោះទៅរកច្រកចេញ។
អ្នកចាត់ការក្លឹប Inter Miami លោក Tata Martino បានសុំទោសថា៖
“ខ្ញុំសុំការអភ័យទោសពីអ្នកគាំទ្រ ហើយខ្ញុំយល់ពីការខកចិត្តរបស់ពួកគេដោយសារតែអវត្តមានរបស់ Messi។ យើងនឹងប្រថុយប្រថានខ្លាំង ហើយរបួសរបស់គាត់អាចកាន់តែអាក្រក់ទៅៗ ប្រសិនបើគាត់ចូលលេង នោះហើយជាមូលហេតុដែលយើងធ្វើការសម្រេចចិត្តមិនដាក់ឲ្យលេង ក្រោយពិគ្រោះយោបល់ជាមួយបុគ្គលិកពេទ្យ”៕