Phil Foden បានព្រមានថា Manchester City មានហានិភ័យក្នុងការមិនឈ្នះពានរង្វាន់អ្វីទៀតទេនៅរដូវកាលនេះ លុះត្រាតែ Kevin De Bruyne មានភាពរឹងមាំ និងមានវត្តមាននៅក្នុងពាក់កណ្តាលនៃយុទ្ធនាការនេះ។
ដោយបានធ្លាក់ចេញពីការប្រកួតបើកឆាក Premier League របស់ Man City បន្ទាប់ពីបានលេងត្រឹមតែ ២៣ នាទីកាលពីខែសីហា De Bruyne បានលេងការប្រកួតដំបូងរបស់គាត់ក្នុងរយៈពេល ៥ ខែកាលពីចុងសប្តាហ៍ ខណៈដែលក្រុមរបស់លោក Pep Guardiola បានចាប់ផ្តើមការពារពានរង្វាន់ FA Cup របស់ពួកគេជាមួយនឹងជ័យជម្នះ ៥-០ ទៅលើក្រុម Huddersfield Town។
ក្នុងអំឡុងពេលអវត្តមានយូររបស់ De Bruyne ក្រុម Man City បានលេីកពាន UEFA Super Cup ខណៈពួកគេបានជួបការលំបាកតាមស្តង់ដារធម្មតារបស់ពួកគេក្នុងការប្រជែងដណ្តើមជើងឯក Premier League។
នៅដំណាក់កាលមួយក្នុងខែវិច្ឆិកា និងខែធ្នូ ពួកគេដណ្តើមបានតែ ៧ ពិន្ទុប៉ុណ្ណោះពីការប្រកួតចំនួន ៦ ដង។ នោះហើយជាមូលហេតុដែល Foden មានការជឿជាក់យ៉ាងខ្លាំងដែលថាកីឡាករបែលហ្ស៊ិកមានសារៈសំខាន់សម្រាប់ខែខាងមុខ។
Foden បានពន្យល់តាមរយៈ ManCity.com ថា៖
“មនុស្សគ្រប់គ្នាមានការងឿងឆ្ងល់ក្នុងការមានវត្តមានគាត់មកវិញ។ ប្រសិនបើយើងនឹងឈ្នះពានអ្វីមួយក៏ដោយ យើងត្រូវការគាត់។ គាត់ជាកីឡាករល្អបំផុតម្នាក់ក្នុងពិភពលោក គ្មាននរណាម្នាក់អាចធ្វើដូចគាត់នោះទេ”៕