លោក Javier Tebas ប្រធានលីគ La Liga គាំទ្រនិងជំរុញឱ្យមានការពិន័យលើក្រុម Manchester City និង PSG ចំពោះការធ្វើខុសវិស័យរបស់ Financial Fair Play។
ក្រុម Manchester City និង PSG ត្រូវបានគេរកឃើញថាធ្វើខុសច្បាប់ក្នុងការចាយវាយរបស់ Financial Fair Play ដែលខាង UEFA បានចែងឡើង ដើម្បីកំណត់ការចាយវាយរបស់ក្លឹបអ្នកមាន។ យ៉ាងណាមិញ ភាគីខាងក្លឹបជំទាន់និងបដិសេធចោល រាល់ការចោទប្រកាន់ទាំងអស់ ហើយបញ្ជាក់ថាការទិញដូរកីឡាកររបស់ខ្លួន គឺសុទ្ធតែត្រឹមត្រូវតាមច្បាប់ មិនមានលួចលាក់អ្វីឡើយ។ ដោយសារតែភស្តុតាង មិនទាន់រកឃើញច្បាស់១០០% ខាង UEFA មិនទាន់មានការដាក់ពិន័យអ្វីនៅឡើយទេ ដោយរឿងនេះស្ថិតក្នុងការតាមដានបន្ដទៀត។
បើទោះជាមិនទាន់មានសេចក្ដីប្រកាសពិន័យមែន ប៉ុន្តែស្ថាប័នមួយចំនួនគាំទ្រចំពោះការដាក់ពិន័យលើក្លឹបដែលធ្វើខុសនេះទៅហើយ។ តួយ៉ាងប្រធានក្របខណ្ឌ La Liga ផ្ទាល់ ចង់ឃើញភាពយុត្តិធម៌មួយសម្រាប់ក្រុមនៅតំបន់អឺរ៉ុប។ លោក Javier បាននិយាយថា៖ “ខ្ញុំបាននិយាយតាំងពី២ឆ្នាំមុន ថា Man City និង PSG កំពុងលួចលាក់យើងហើយ ដូច្នេះការបែកធ្លាយនៅពេលនេះ ខ្ញុំមិនភ្ញាក់ផ្អើលទេ។ ខ្ញុំសង្ឃឹមថា UEFA នឹងចាត់វិធានការចំពោះរឿងនេះ ដកពួកគេចេញពី Champions League ១ឆ្នាំ គឺជារឿងល្អបំផុត”៕ប្រភពDailyMail