ខ្សែប្រយុទ្ធសញ្ជាតិប្រេស៊ីលដែលធានាបានការផ្ទេរពី Paris Saint-Germain ទៅ Al-Hilal កាលពីរដូវក្ដៅកន្លងទៅបានប្រើបណ្ដាញសង្គមដើម្បីប្រឆាំងនឹងពាក្យចចាមអារ៉ាមដែលថាគាត់កំពុងឈ្លោះទាស់ទែងជាមួយអ្នកចាត់ការក្លឹបគឺលោក Jorge Jesus។
ការចុះផ្សាយបានរៀបរាប់អំពីការឈ្លោះទាស់ទែងដ៏ក្តៅគគុកនៅក្នុងបន្ទប់ផ្លាស់សំលៀកបំពាក់ក្រោយការប្រកួត ដោយអះអាងថា កំពូលតារារូបនេះ ប្រឈមនឹងការពិន័យចំពោះការប្រព្រឹត្តរបស់គាត់។ គេក៏បានអះអាងថាលោកបានជំរុញឲ្យអ្នកចាត់ការទូទៅត្រូវបណ្ដេញចេញ បន្ទាប់ពីមានរឿងក្ដៅគគុកនេះ។
Neymar ដោយមិនចង់អនុញ្ញាតឱ្យការអះអាងបែបនេះកាន់តែវែងឆ្ងាយ បានចូលទៅបណ្ដាញសង្គមដើម្បីច្រានចោលការចោទប្រកាន់នេះជាដាច់ខាត។ គាត់បានចូលទៅកាន់ Instagram ហើយបានអង្វរដល់សាធារណជនទូទៅឲ្យឈប់ផ្សព្វផ្សាយព័ត៌មានមិនពិត ដោយបញ្ជាក់ថា៖
“កុហក… អ្នករាល់គ្នាត្រូវឈប់ជឿរឿងទាំងនេះ ទំព័របែបនេះ… ដោយមានអ្នកតាមរាប់លាន អ្នកមិនអាចបន្តផ្សាយព័ត៌មានក្លែងក្លាយបានទេ! ដោយការគោរពដ៏ខ្ពង់ខ្ពស់នៅក្នុងពិភពលោក ខ្ញុំសុំឱ្យអ្នកបញ្ឈប់រឿងនេះ។ នេះជាទង្វើខ្វះការគោរពយ៉ាងខ្លាំង”៕
*[TalkSPORT]