ពីរគ្រាប់ពី Son Heung-min បានអនុញ្ញាតឱ្យ Spurs ចាកចេញពីកីឡដ្ឋាន Emirates ជាមួយនឹងលទ្ធផលស្មើគ្នា ២-២ ដោយរក្សាការចាប់ផ្តើមមិនដែល ចាញ់របស់លោក Ange Postecoglou ក្នុងជីវិតជាអ្នកចាត់ការនៅ Premier League។Arsenal ក៏នៅតែមិនស្គាល់ចាញ់ដែរ ដោយបានឈ្នះ ៤ ដង និងស្មើ ២ ដងក្នុងចំណោម ៦ ប្រកួតបើកឆាករបស់ពួកគេ ប៉ុន្តែក្រុមកាំភ្លើងធំបានធ្វើឱ្យមាន ការខកចិត្តដោយសារការមិនអាចទប់ការនាំមុខពីរដងដែលបានផ្តល់ឱ្យពួកគេដោយគ្រាប់បាល់បញ្ចូលទីរបស់ Cristian Romero និងបាល់ពិន័យទៅ Bukayo Saka។

ការបរាជ័យរបស់ Arsenal ក្នុងការរកគ្រាប់ទីបីទៅលើ Spurs បាននាំឱ្យ Arteta សារភាពបន្ទាប់ពីការប្រកួតថាក្រុមរបស់គាត់ខ្វះគុណភាពចាំបាច់​ដើម្បី ដណ្តើមបានបីពិន្ទុ។អ្នកចាត់ការសញ្ជាតិអេស្ប៉ាញរូបនេះបាននិយាយថា៖

“យើងមានការខកចិត្តយ៉ាងខ្លាំងដែលមិនទទួលបានបីពិន្ទុនោះ។ ជាពិសេសនៅពេលដែលអ្នកនាំមុខគេពីរដងក្នុងការប្រកួត ហើយមានឱកាសឈ្នះវា។

ជាពិសេស គ្រាដែលយើងបានបណ្តោយឲ្យមានគ្រាប់បាល់ស៊ុតបញ្ចូលទី។ ពួកយើងគ្រប់គ្រងការប្រកួត អាចធ្វើវាបាន ២-០ ជាមួយ Gabi ហើយបន្ទាប់មកអ្នករបូតគ្រាប់បាល់ ហើយអ្នកត្រូវតែវាយបកមកវិញ។ ក្នុងរយៈពេលមួយនាទី អ្នករបូតមួយគ្រាប់ទៀត។ខ្ញុំគិតថាវាប៉ះពាល់ដល់អារម្មណ៍ក្រុមខ្លាំងណាស់ ហើយយើងខ្វះការសង់តង់គ្នាខ្លះៗក្នុងការប៉ះបាល់បន្ថែមទៀតនៅវគ្គចុងក្រោយ។ វាបានក្លាយទៅជាការប្រកួតអន្តរកាលមួយបន្ថែមទៀត ដែលជាការប្រថុយប្រថានក្នុងការលេងជាមួយពួកគេ។ យើងបានដាក់គំនាបក្នុងរយៈពេល ១៥-២០ នាទីចុងក្រោយ។ ប៉ុន្តែ​យើង​ខ្វះ​គុណភាព​ក្នុង​ការ​ប៉ះបាល់​ចុង​ក្រោយ​ដើម្បី​ឈ្នះ​ការ​ប្រកួត”៕

ប្រភព៖ បរទេស