Zidane មានទំនុកចិត្តថាខ្សែប្រយុទ្ធ Gareth Bale កំពុងត្រលប់មកទម្រង់លេងល្អរបស់ខ្លួនវិញហើយ ថែមទាំងអាចនឹងបានលេងជម្រើសដំបូងទល់ Liverpool ទៀតផង។
យប់មិញនេះ Real Madrid បានត្រឹមស្មើ Villarreal ក្នុងលទ្ធផល២ -២ ប៉ុណ្ណោះ ដោយ២គ្រាប់របស់ក្រុមអធិរាជសរកបានដោយខ្សែប្រយុទ្ធ Gareth Bale ១គ្រាប់ និង Cristiano Ronaldo ១គ្រាប់។ ដោយសារតែរកគ្រាប់បាល់បាន៥គ្រាប់ ក្នុង៣ប្រកួតចុងក្រោយនេះ ទើបបានជា Bale ត្រូវអ្នកចាត់ការសរសើរទម្រង់លេងល្អត្រលប់មកវិញ។
“គាត់គ្មានអ្វីផ្លាស់ប្ដូរនោះទេ គាត់នៅតែល្អដូចមុន។ ត្បិតតែរបួសច្រើន ប៉ុន្តែគាត់មិនដែលបោះបង់ចោលឡើយនៅការខិតខំប្រឹងប្រែង។ ដូចអ្វីដែលយើងបានឃើញពេលនេះ គាត់កំពុងបង្ហាញថាគាត់សក្ដិសមបំផុតសម្រាប់ជម្រើស១១នាក់ដំបូងជាមួយក្រុម Liverpool ”។ សម្ដី Zidane ។
អ្នកចាត់ការសញ្ជាតិបារាំងខាងលើ ធ្លាប់បាននិយាយហើយថាកីឡាករទាំងអស់របស់លោកគឺសុទ្ធតែមានសមត្ថភាពល្អគ្រប់គ្នា។ ដូច្នេះហើយវាពិតជាឈឹក្បាលក្នុងការជ្រើសរើសយក១១នាក់ដំបូងដើម្បីលេងនៅវគ្គផ្ដាច់ព្រ័ត្រ Champions League ថ្ងៃទី២៦ខាងមុខ៕ប្រភព៖ DailyMail
