បើតាមភ្នាក់ងារទីផ្សាររបស់កីឡាករ Mesut Ozil បញ្ជាក់ថាមានក្លឹបមួយនៅប្រទេសក្នុងតំបន់អាស៊ីបានទាក់ទងទៅកីឡាករអាល្លឺម៉ង់រូបនេះ ដោយឱ្យដល់១លានដុល្លារក្នុង១សប្ដាហ៍ឯណោះ។
ប៉ុន្តែដោយសារតែស្រលាញ់ក្លឹប Arsenal ទើបរូបគេមិនចាកចេញ ហើយក៏សម្រេចបន្ដកុងត្រាថ្មី ដែលមានតម្លៃត្រឹម ៣៥០ ០០០ផោនក្នុង១សប្ដាហ៍។ តម្លៃខ្លួននេះដែរបានធ្វើឱ្យរូបគេ ក្លាយជាកីឡាករបានប្រាក់ឈ្នួលច្រើនជាងគេបំផុតនៅក្លឹបកាំភ្លើងធំហើយ។
លោក Sogut ដែលជាភ្នាក់ងារទីផ្សាររបស់ Ozil បាននិយាយដូច្នេះថា៖ “លុយមិនមែនជារឿងសំខាន់បំផុតសម្រាប់ Ozil ឡើយ។ គាត់ចង់បន្ដលេងនៅ Arsenal នៅក្របខណ្ឌអង់គ្លេស។ កាលមិនទាន់បន្ដកុងត្រានោះ មានក្លឹបមួយនៅអាស៊ីទាក់ទងមក ហើយឱ្យដល់១លានដុល្លារ ក្នុង១សប្ដាហ៍ ប៉ុន្តែគាត់មិនទៅឡើយ”៕ប្រភពDailyMail
