លោក Pep Guardiola បានបញ្ជាក់ថាក្រុម Man City មានសម្ពាធច្រើនក្នុងការប្រកួតទល់ក្រុម Manchester United បើទោះជាឈ្នះក្នុងលទ្ធផល ៣-១ ក៏ដោយ។
David Silva និង Sergio Aguero គឺជាអ្នករកគ្រាប់បាល់បានមុនឱ្យក្រុម Man City នាំមុខ មុនពេល Anthony Martial រកគ្រាប់បាល់តាមពីក្រោយបាន១គ្រាប់វិញឱ្យបិសាចក្រហម។ យ៉ាងណាមិញ មុននឹងចប់ការប្រកួតទៅហើយ Gundogan ក៏ថែមគ្រាប់ទី៣បានទៀត នៅនាទី៨៦។ ចប់ការប្រកួត Man City យកឈ្នះ Man Utd ក្នុងលទ្ធផល ៣-១។
“យើងមានអារម្មណ៍ថា មានសម្ពាធក្នុងកាប្រកួតនេះ។ យើងនាំមុខមែន ប៉ុន្តែពួកគេរកបានគ្រាប់បាល់វិញនៅតង់ទី២។ យើងតែងតែព្យាយាមឱ្យល្អ លេងឱ្យល្អ នេះជាអ្វីដែលក្រុមទាំងមូលចង់បាន។ ជ័យជម្នះពិតជាសំខាន់ណាស់ សម្រាប់ក្រុម ហើយការលេងទល់ក្រុមខ្លាំង សម្ពាធតែងតែកើតមានឡើង”។ សម្ដីរបស់ Pep ៕ប្រភពDailyMail
