កីឡាករ Marcus Rashford, Mason Mount និង Nick Pope បានសម្រេចចិត្តដកខ្លួនពីក្រុមជម្រើសជាតិអង់គ្លេសទៅហើយ ដោយសារតែពួកគេមានបញ្ហារបួស។
អង់គ្លេស បានប្រកាសបញ្ជីឈ្មោះក្នុងការត្រៀមប្រកួតជម្រុះ Euro 2024 ខាងមុខនេះ ដោយមានវត្ដមានកីឡាករទាំងបីនាក់ខាងលើ។ យ៉ាងណាមិញ ពួកគេក៏ទើបតែបានសម្រេចចិត្តដកខ្លួនចេញវិញទៅហើយ ក្រោយពីមានបញ្ហារបួស។ Rashford បានរបួសអំឡុងការប្រកួតជាមួយក្រុម Fulham ក្នុងពានរង្វាន់ FA Cup វគ្គ៨ក្រុមចុងក្រោយ។ អ្នកចាំទី Pope វិញ ក៏រងរបួសដូចគ្នាកាលពីប្រកួតដែល Newcastle United យកឈ្នះ Forest ក្នុងលទ្ធផល ២-១។
ចំណែកឯ Mason Mount វិញ ទើបតែជាសះស្បើយមិនទាន់បាន១០០%នោះទេ ដូច្នេះហើយទើបរូបគេសម្រេចចិត្តបន្ដហ្វឹកហាត់ ពង្រឹងកាយសម្បទាឡើងវិញនៅក្លឹប Chelsea អំឡុងពេលសម្រាកអន្ដរជាតិនេះ។ ក្រុមអង់គ្លេស នឹងត្រូវធ្វើដំណើរទៅអ៊ីតាលី ប្រកួតនៅថ្ងៃទី២៣ខាងមុខ មុនពេលត្រលប់មកផ្ទះវិញប៉ះក្រុមជម្រើសជាតិអ៊ុយក្រែននៅថ្ងៃទី២៦ខែនេះដែរ៕