ក្រុម FC Barcelona បានយកឈ្នះលើក្រុម Real Madrid ក្នុងលទ្ធផល ២-១ កាលពីយប់មិញនេះ ដែលធ្វើឱ្យគម្លាតពិន្ទុរវាងក្រុមទាំងពីរមានដល់ទៅ១២ពិន្ទុទៅហើយ។
ក្រុមអធិរាជស ជាអ្នកនាំមុខក្នុងការប្រកួតនេះ ក្រោយពីកីឡាករ Ronald Araujo ធ្វើឱ្យបាល់ចូលទីខ្លួនឯងមួយគ្រាប់។ យ៉ាងណាមិញ ការប្រកួតនេះក៏មិនបញ្ចប់ទៅដោយបែបនេះដែរ ក្រុមអ្នកមានបុណ្យបានព្យាយាមសម្រុកវិញរហូតរកបានគ្រាប់បាល់តាមស្មើដោយកីឡាករSergi Roberto ។ ដោយការប្រកួតស្មើគ្នា ១-១ នេះនៅជិតចប់ទៅហើយ ស្រាប់តែ Franck Kessie រកគ្រាប់បាល់បាន១គ្រាប់ទៀត ដើម្បីយកឈ្នះទៅលើក្រុមភ្ញៀវ Real Madrid តែម្ដងក្នុងលទ្ធផល ២-១។
ជាមួយជ័យជម្នះនេះដែរ ក្រុមរបស់លោក Xavi ឈរកំពូលតារាងយ៉ាងកក់ក្ដៅតែម្ដង។ នៅពេលនេះ ពួកគេមាន១២ពិន្ទុលើសក្រុមលេខ២ Real Madrid ទៅហើយ។ ជាមួយពិន្ទុគម្លាតឆ្ងាយគ្នានេះដែរ នារដូវកាលនេះ La Liga គេចមិនផុតពីក្រុម FC Barcelona នោះទេ៕