Man Utd បានទម្លាក់ក្រុម Barcelona ដោយប្រកួតជម្រុះជុំទីមួយស្មើ ២-២ នៅ Camp Nou និងជ័យជម្នះជើងទីពីរ ២-១ នៅ Old Trafford។
Garnacho ចូលលេងបាន ៨នាទីនៅចុងបញ្ចប់នៃការប្រកួតដំបូង ហើយបានបង្កើនដល់ទៅ ២៣នាទីសម្រាប់ការប្រកួតត្រឡប់មកវិញនៅក្នុងដី Man Utd បន្ទាប់មកគាត់បានទាក់ទាញការរិះគន់ជាច្រើនសម្រាប់ការបង្ហោះនៅលើបណ្តាញសង្គមដែលស្រដៀងទៅនឹងការអបអរសាទររបស់ខ្សែបម្រើ Barcelona Pedri ជាមួយនឹងខេបសិនថា “ក្រុមធំឡើងទៅវគ្គបន្ត”។
នៅពេលសួរថាតើទង្វើរបស់ Garnacho ធ្វើឱ្យគាត់ខឹងឬអត់? Araujo បានប្រាប់ Infobae ថា៖
“បាទ! ពិតណាស់។ មនុស្សគ្រប់គ្នាគឺអាចធ្វើអ្វីដែលគេចង់ធ្វើ ប៉ុន្តែនៅពេលនោះមិនគួរបង្ហោះអ្វីមួយដូចនេះទេ។ ខ្ញុំគោរពអ្នកគ្រប់គ្នា ហើយខ្ញុំមានអារម្មណ៍ថា ការដាក់ខ្លួនគួរតែនាំមុខអ្វីៗទាំងអស់។
មនុស្សគ្រប់គ្នាបង្ហាញខ្លួនឯងតាមដែលពួកគេចង់បាន ប៉ុន្តែខ្ញុំចូលចិត្តការដាក់ខ្លួនជាង ហើយបន្ទាប់មកបង្ហាញពីអ្វីដែលខ្ញុំធ្វើនៅលើទីលាន។នេះគឺជាបាល់ទាត់ គាត់នៅក្មេងណាស់ ហើយនៅមានផ្លូវវែងឆ្ងាយទៀតដែលត្រូវទៅ។ អ្នកត្រូវតែបន្តដោយស្ងប់ស្ងាត់ និងដាក់ខ្លួន”៕
*[FotMob]