ក្រុមតោខៀវ Chelsea បានបន្ដយកឈ្នះលើក្រុម Leicester City ក្នុងលទ្ធផល ៣-១ ក្នុងការប្រកួតពានរង្វាន់ English Premier League កាលពីយប់មិញនេះ។
ក្រុមដឹកនាំដោយលោក Graham Potter កំពុងធ្វើបានល្អមែនទែនក្នុងការប្រកួត៣ប្រកួតមកនេះ។ ជាក់ស្ដែងនៅយប់មិញ ប៉ះក្រុមខ្លាំងLeicester City ពួកគេនៅតែអាចគ្រប់គ្រងការប្រកួតបាន និងថែមទាំងរកបានដល់ទៅ៣គ្រាប់ថែមទៀត។ ដោយ៣គ្រាប់នោះរកបានដោយ Ben Chilwell, Kai Havertz និង Mateo Kovacic ។ ក្រោយពីឃើញទម្រង់លេងល្អរបស់ក្រុមនេះដែរ អ្នកគាំទ្រតោខៀវ បច្ចុប្បន្នក៏សប្បាយចិត្ត ហើយរំពឹងនឹងអាចរក្សាលទ្ធផលបែបនេះបន្ដទៅទៀត ជាពិសេសក្នុងក្របខណ្ឌ UEFA Champions League តែម្ដង ដែលពួកគេបានឡើងទៅវគ្គ៨ក្រុមចុងក្រោយហើយ។
ដោយឡែកនៅ Premier League វិញ ក្រុម Chelsea បច្ចុប្បន្ននៅលេខ១០ក្នុងតារាងមាន៣៧ពិន្ទុ ឆ្លងកាត់២៦ប្រកួតមកនេះ។ ចំណាត់ថ្នាក់នេះដែរ ពួកគេនៅឆ្ងាយពីតំបន់ Top4 រហូតដល់១១ពិន្ទុទៀតឯណោះ ស្របពេលការប្រកួតវិញនៅសល់១២ប្រកួតទៀត៕