ក្រុម Manchester United បានយកឈ្នះលើក្រុម Juventus ក្នុងលទ្ធផល ២-១នៅទឹកដីអ៊ីតាលីផ្ទាល់ ក្នុងការប្រកួតសន្សំពិន្ទុ UEFA Champions League ។
ក្នុងការប្រកួតនោះ Ronaldo ពិតជារកគ្រាប់បាល់បានមែន ដោយនៅនាទី៦៥។ យ៉ាងណាមិញ នៅជិតចប់ការប្រកួតទៅហើយ នាទី៨៦ Mata ទាត់បាល់Free Kick យ៉ាងស្អាតបញ្ចូលទីតាមបានស្មើ។ ហើយ៣នាទីបន្ទាប់មក កីឡាករ Sandro បានទាត់បាល់ចូលទីខ្លួនឯងទៀត ធ្វើឱ្យចប់ការប្រកួតបិសាចក្រហមឈ្នះក្នុងលទ្ធផល ១-២។
ជ័យជម្នះនេះដែរ បានធ្វើឱ្យលោក Jose Mourinho សប្បាយចិត្តយ៉ាងខ្លាំង។ ដោយចប់ការប្រកួត បានបង្ហាញកាយវិការឌឺអ្នកគាំទ្រម្ចាស់ផ្ទះ យកដៃដាក់ក្បែរត្រចៀកធ្វើមុខឌឺទៀត។ ចំពោះរឿងនេះ សាមីខ្លួនបានបញ្ជាក់ថា៖ អ្នកគាំទ្របានស្រែកជេរខ្ញុំសឹងពេញ៩០នាទី តែខ្ញុំមិនបានជេរទៅវិញទេ ខ្ញុំគ្រាន់តែធ្វើកាយវិការតបតបន្តិចបន្តួច។ ខ្ញុំគោរព Juventus ខ្ញុំគោរពកីឡាករ និងអ្នកចាត់ការរបស់គេ៕ប្រភពDailyMail
