ប្រធានក្លឹប Barcelona លោក Joan Laporta បានសម្រេចចិត្តមិនឆ្លើយតបនឹងការអត្ថាធិប្បាយផ្ទុះឡើងពីបងប្រុសរបស់ Lionel Messi គឺ Matias។ គាត់បានលាតត្រដាងថាគាត់បានទទួលការសុំទោសរួចហើយ។
Matias បានបាញ់ប្រហារលើ Barcelona ហើយបានអះអាងថា Messi នឹងត្រលប់ទៅក្លឹបវិញ ប្រសិនបើ Laporta ត្រូវបានដកចេញពីតំណែងជាប្រធាន។ ការបញ្ចេញមតិរបស់លោកបានល្បីពេញបណ្ដាញសង្គម និងទទួលបានការរិះគន់យ៉ាងច្រើនពីសំណាក់អ្នកគាំទ្រ។
ទោះជាយ៉ាងណាក៏ដោយ Laporta បានសម្រេចចិត្តមិនឆ្លើយតបទៅនឹងការអត្ថាធិប្បាយរបស់ Matias ហើយបាននិយាយថាបញ្ហានេះត្រូវបានដោះស្រាយរួចហើយ បន្ទាប់ពីការសុំទោស។ គាត់បាននិយាយថា៖
“Lionel Messi គឺជាផ្នែកមួយនៃមរតករបស់ក្លឹបនេះ។ គាត់ជាកម្មសិទ្ធិរបស់ PSG នាពេលនេះ។ ដោយការគោរព ខ្ញុំនឹងមិននិយាយបញ្ហានេះទេ។ បងប្រុសរបស់គាត់បានសុំទោសរួចហើយ។ ពាក្យរបស់បងប្រុស Messi មិនមានផលប៉ះពាល់ដល់ទំនាក់ទំនងក្លឹបជាមួយ Leo នោះទេ”
គួរំលឹកថា Matias ដែលជាបងប្រុសរបស់ Lionel Messi បានបញ្ចេញកំហឹងយ៉ាងខ្លាំង និងបានហៅអ្នកគាំទ្រក្រុម Barcelona ថាជាជនក្បត់ ចំពោះការមិនតវ៉ាប្រឆាំងនឹងការដោះលែងកីឡាករអាហ្សង់ទីន។ គាត់បានអះអាងថាតារា PSG នឹងត្រលប់ទៅ Camp Nou ប្រសិនបើ Laporta ត្រូវបានដកចេញពីតំណែងជាប្រធានក្លឹប៕
*[SportsMax]