ក្លឹបនៅអារ៉ាប់ប៊ីសាអូឌីត Al Hilal បានឡើងទៅវគ្គផ្ដាច់ព្រ័ត្រពានរង្វាន់ FIFA Club World Cup ហើយ ក្រោយពីពួកគេយកឈ្នះលើក្រុម Flamengo បានក្នុងលទ្ធផល ៣-២ ។
ពិតជារឿងគួរឱ្យភ្ញាក់ផ្អើលមួយមែនសម្រាប់ក្រុម Al Hilal ដែលពួកគេអាចយកឈ្នះក្រុមខ្លាំងប្រចាំទ្វីបអាមេរិកខាងត្បូង Flamengo បានក្នុងលទ្ធផល ៣-២ នេះ។ ដោយជំនួបនេះដែរ Flamengo នៅសល់ត្រឹមគ្នា១០នាក់ប៉ុណ្ណោះ ដែលធ្វើឱ្យការប្រកួតមួយនេះមិនពេញជើងឡើយ។ នេះជាលើកដំបូងហើយដែលក្លឹបចេញពីអារ៉ាបបីសាអូឌីត មានឱកាសបានឡើងដល់វគ្គផ្ដាច់ព្រ័ត្រនៃពានរង្វាន់ FIFA Club World Cup នេះ។
ពួកគេនៅឈរចាំសិន ចំពោះក្រុមដែលត្រូវឡើងមកប៉ះ រវាងក្រុម Real Madrid ជើងឯកនៅអឺរ៉ុប ឬ Al Ahly របស់ប្រទេសអេហ្ស៊ីប។ ដោយការប្រកួតរវាងក្រុមទាំងពីរនឹងធ្វើឡើងនៅយប់នេះ វេលាម៉ោង២រំលងអាធ្រាត្រ៕