ក្លឹប Valencia បានសម្រេចបណ្ដេញលោក Gennaro Gattuso ចេញពីតំណែងអ្នកចាត់ការហើយ ក្រោយពីដឹកនាំក្លឹបនេះបានត្រឹម៧ខែប៉ុណ្ណោះ។
លោកGennaro Gattuso ចូលមកដឹកនាំក្លឹបនេះ បានត្រឹម២២ប្រកួតប៉ុណ្ណោះ។ លទ្ធផលក្រុមស្ថិតនៅលេខ១៤ក្នុងតារាង La Liga បានធ្វើឱ្យលោកមិនអាចបន្ដការងារបានទៀតទេ។ ជាក់ស្ដែង៤ប្រកួតចុងក្រោយ ចាញ់៣ប្រកួតទៅហើយ ដូច្នេះទើបអ្នកគាំទ្រក៏ដូចជាថ្នាក់ដឹកនាំក្លឹបត្រូវតែបណ្ដេញលោកចេញហើយ ដើម្បីស្វែងរកអ្នកចាត់ការថ្មីមកជំនួសវិញទៀត។
ដោយឡែកសម្រាប់ក្លឹប Valencia តាំងពីមានម្ចាស់ក្លឹបថ្មីលោក Peter Lim នៅឆ្នាំ២០១៤មក ឃើញថាពួកគេមិនជោគជ័យនោះទេ។ ត្រឹមពេលជិត១០ឆ្នាំមកនេះ ពួកគេប្ដូរគ្រូបង្វឹក១០នាក់ទៅហើយ។ ក្រោមការដឹកនាំរបស់លោក Gennaro Gattuso ចំនួន២២ប្រកួត គឺចាញ់១០ប្រកួត ឈ្នះ៧ប្រកួត និងស្មើ៥ប្រកួត៕