ខ្សែការពារ Joao Cancelo បានសម្រេចការផ្ទេរទៅលេងនៅក្លឹប Bayern Munich ទៅហើយ ដោយស្ថិតក្រោមលក្ខខណ្ឌខ្ចីជើង៦ខែសិន មុនពេលទិញយកផ្ដាច់ក្នុងតម្លៃ៦១លានផោន។
Cancelo ជាខ្សែការពារសំខាន់ម្នាក់របស់ក្រុម Manchester City នឹងតែងទទួលបានការគាំទ្រជានិច្ចពីលោក Pep ។ យ៉ាងណាមិញ មួយរយៈនេះទម្រង់លេងរបស់គេមិនល្អឡើយ ហើយលោក Pep ក៏សម្រេចចិត្តមិនដាក់ឱ្យគេចូលលេងជម្រើសដំបូងទៀតទេ។ ដូច្នេះហើយ ទើបក្លឹបនិងសាមីខ្លួនសម្រេចរកផ្លូវចេញមួយ ល្អទាំងសងខាងតែម្ដង។ នេះជារឿងគួរឱ្យភ្ញាក់ផ្អើលមួយផងដែរ ដែលក្លឹបមេឃខៀវ សម្រេចចិត្តឱ្យកីឡាករព័រទុយហ្គាល់រូបនេះចាកចេញទៅវិញ។
ក្លឹប Bayern Munich ជាអ្នកយកខ្សែការពារខាងលើ ក្រោមលក្ខខណ្ឌខ្ចីជើង៦ខែសិនរហូតដល់ចប់រដូវកាល មុនពេលចុះកុងត្រាទិញផ្ដាច់ក្នុងតម្លៃខ្លួន៦១លានផោន។ Joao Cancelo គឺជាខ្សែការពារជាប់ឈ្មោះជាកីឡាករល្អប្រចាំរដូវកាល២ដងផងដែរនៅក្របខណ្ឌ English Premier League នេះ៕