Floyd Mayweather ដែលប្រកាសចូលនិវត្តប៉ុន្មានហើយនោះ នឹងចូលសង្វៀនវិញត្រូវតតាំងជាមួយអ្នកប្រដាល់លំដាប់កំពូលជប៉ុន Tenshin Nasukawa នៅទឹកដីជប៉ុន នាថ្ងៃឆ្លងឆ្នាំសកលខាងមុខនេះ។
Floyd ជាអ្នកប្រដាល់សាកលលំដាប់កំពូល និងមិនដែលបរាជ័យឡើយ។ ដោយឡែកសម្រាប់ Tenshin វិញ ក៏មិនធម្មតាដែរ រូបគេជាអ្នកប្រដាល់ជប៉ុន ឆ្លងកាត់២៧ប្រកួត មិនដែលចាញ់ម្ដងណាឡើយ។ យ៉ាងណាមិញ ដោយសារតែ១វៃស៊េរី និង១ទៀតវៃសាកល ដូច្នេះការប្រកួតខាងមុខនេះ នឹងធ្វើឡើងតាមលក្ខខណ្ឌពិសេសមួយ។ ប៉ុន្តែលក្ខខណ្ឌពិសេសនោះ មិនទាន់ប្រកាសជាផ្លូវការឡើយ។
Floyd ធ្លាប់បាននិយាយថារូបគេចង់ធ្វើការយ៉ាងជិតស្និតជាមួយក្រុមអ្នករៀបចំការប្រកួតនៅជប៉ុន។ មួយវិញទៀតក្រុម Money Team របស់ខ្លួនក៏មានបំណងនាំយកកីឡាករជាច្រើននាក់មកស្គាល់សង្វៀន Rizin ដែលជាការប្រកួតធំរបស់ជប៉ុនផងដែរ៕ប្រភពBloodyelbow
