ការទស្សន៍ទាយដ៏ល្អឥតខ្ចោះមួយរបស់ប្រធានាធិបតីបារាំង Emmanuel Macron សម្រាប់ការប្រកួត World Cup ឆ្នាំ ២០២២ រវាងបារាំង និងប៉ូឡូញ ត្រូវបានបើកបង្ហាញ បន្ទាប់ពីការប្រកួតបានបញ្ចប់។
ការប្រកួតជុំទី ១៦បានបញ្ចប់ដោយពិន្ទុ ៣-១ ដែលនាំឲ្យក្រុមមាន់គកបារាំងឡើងទៅវគ្គ ៨ក្រុមចុងក្រោយ ហើយក្រុមប៉ូឡូញរបស់ខ្សែប្រយុទ្ធ Barcelona កីឡាករ Lewandowski ត្រូវធ្លាក់ត្រឹមវគ្គនេះ។
Kylian Mbappe បានស៊ុតបាល់បញ្ចូលទីយ៉ាងអស្ចារ្យ បន្ទាប់ពី Olivier Giroud បានបើកការស៊ុតបញ្ចូលទីគ្រាប់ដំបូងឲ្យបារាំង។
Robert Lewandowski បានស៊ុតបាល់ប៉េណាល់ទីឲ្យប៉ូឡូញ ដែលវាបានត្រឹមតែជាគ្រាន់គ្រាប់បាល់លួងចិត្តតែប៉ុណ្ណោះ។
ប្រធានាធិបតីបារាំង លោក Macron បានព្យាករណ៍ពីតារាងពិន្ទុយ៉ាងល្អឥតខ្ចោះនៅមុនការប្រកួត។ គាត់ក៏បានទស្សន៍ទាយថា Mbappe, Giroud, និង Lewandowski នឹងរកគ្រាប់បាល់បានផងដែរ។
លោក Emmanuel Macron គាត់បានព្យាករណ៍ដូចខាងក្រោមនៅក្នុងបទសម្ភាសន៍ជាមួយ Le Parisien៖
- បារាំង ៣-១ ប៉ូឡូញ
- Kylian Mbappe និង Olivier Giroud ស៊ុតបញ្ចូលទី
- Robert Lewandowski ស៊ុតបញ្ចូលទី
ប្រភព៖ Le Parisien