ពិតជារឿងកម្រមែន ដែលក្រុម Club Bruges អាចឆ្លងផុតវគ្គចែកពូល ឡើងទៅវគ្គ១៦ក្រុមចុងក្រោយនៃពានរង្វាន់ UEFA Champions League បាន។
ក្រុមជើងខ្លាំងរបស់បែលហ្សិកខាងលើនេះបានមកលេងនៅពានរង្វាន់ Champions League ១០លើកមកហើយ ប៉ុន្តែមិនដែលឆ្លងផុតវគ្គចែកពូលនោះទេ ដោយទើបឆ្នាំនេះពួកគេបានបង្កើតប្រវត្ដិសាស្ត្រថ្មីហើយ។ ការប្រកួតនៅយប់មិញ ក្រោយពីស្មើក្រុម Atletico Madrid ក្នុងលទ្ធផល ០-០ ហើយ បានធ្វើឱ្យក្រុម Club Bruges ឈរនៅកំពូលតារាងមាន១០ពិន្ទុឆ្លងកាត់៤ប្រកួត ខណៈដែលក្រុម Porto នៅ លេខ២ មាន៦ពិន្ទុ និងក្រុម AT Madrid នៅលេខ៣ទើបមាន៤ពិន្ទុប៉ុណ្ណោះ។
តាមលទ្ធផលនេះដែរ បានធ្វើឱ្យក្លឹប Club Bruges ទទួលបានកៅអីឡើងវគ្គ១៦ក្រុមចុងក្រោយដោយស្វ័យប្រវត្តិសាស្ត្រ ទោះនៅសល់២ប្រកួតក្នុងដៃទៀតក៏ដោយ។ ជាកំណត់ត្រាប្រវត្តិសាស្ត្រជាលើកដំបូងដែលក្រុមជើងខ្លាំងនៅបែលហ្សិក មានឱកាសឡើងដល់វគ្គ១៦ក្រុមចុងក្រោយបាន៕