“ល្អហើយ ដែលអ្នកមិនយំ” ជាពាក្យដែល Cristiano Ronaldo បានឆ្លើយតបទៅ Isco វិញ ក្រោយពីបម្រើ Real Madrid រូបនេះ ថារូបគេមិនបាននឹក Ronaldo ទេ។ក្រោយពី Real Madrid លក់ Ronaldo ចេញ ក្រុមទាំងមូលហាក់ដូចជាពិបាកក្នុងការរកគ្រាប់បាល់ និងជ័យជម្នះខ្លាំងណាស់។ ជាក់ស្ដែង២ខែមកនេះ ពួកគេទើបរកបាន២គ្រាប់ប៉ុណ្ណោះ និងឈ្នះមកវិញ លើក្រុម Viktoria Plzeň ទាំងពិបាកថែមទៀត។
ត្បិតតែយ៉ាងនេះក្ដី Isco បែរបាននិយាយថា ក្លឹបនិងសមាជិកក្រុមដទៃទៀត មិននឹកកីឡាករដែលចង់ចាកចេញទៅហើយនោះទេ។ ពួកគេ មិនយំឡើយសម្រាប់ការចាកចេញរបស់ CR7 ។
ចំពោះរឿងនេះដែរ Ronaldo បានឆ្លើយតបខ្លីប៉ុណ្ណោះថា វាជារឿងល្អហើយ ដែលពួកគេមិនបានយំ។ ខណៈដែលអ្នកកាសែតព្យាយាមសួរបន្ថែមទៀត រូបគេបានត្រឹមតែនិយាយថា ខ្លួនមិនមែនជាមនុស្សអាចនិយាយពីក្រុម Real Madrid នោះទេ ព្រោះបច្ចុប្បន្នលេងឱ្យ Juventus ៕ប្រភព៖ Marca