កីឡាករ Kamil Grabara ដែលជាអ្នកចាំទីរបស់ក្រុម FC Copenhagen បានចាត់ទុក Earling Haaland ថាមិនមែនជាមនុស្សឡើយ ចំពោះសមត្ថភាពបញ្ចប់ទីដ៏ល្អឥតខ្ចោះរបស់ខ្លួន។
Haaland រកបាន២គ្រាប់បន្ថែមទៀតក្នុងជ័យជម្នះដែលក្រុម Manchester City យកឈ្នះលើក្រុម FC Copenhagen ក្នុងលទ្ធផល ៥-០។ ដោយនេះជាគ្រាប់បាល់ទី១៩ហើយសម្រាប់កីឡាករវ័យក្មេងរូបនេះ គិតចាប់តាំងពីបើករដូវកាលមក។ ដោយនេះ ជាការសម្រេចបានដ៏អស្ចារ្យមួយទៅហើយសម្រាប់រូបគេ និងទទួលបានការកោតសរសើរច្រើនផងដែរ។
សូម្បីតែអ្នកចាំទីក្រុម FC Copenhagen កីឡាករ Grabara ក៏លើកអតីតកីឡាករ Dortmund នេះដែរថាគេលេងបានល្អ និងមានសមត្ថភាពលើសពីកីឡាករធម្មតា។ Grabara និយាយថា៖ “វាជារឿងមិនគួរឱ្យជឿ ខ្ញុំមិនដែលឃើញនរណាមានសមត្ថភាពល្អ អាចធ្វើបានគ្រប់យ៉ាងបែបនេះទេ។ គ្រាប់ទី១និងទី២ ខ្ញុំសើច គាត់តែងតែមកដល់គ្រប់ពេលនិងត្រូវវេលាល្អ។ គាត់មិនមែនជាមនុស្សនោះទេ”៕