ក្រុមបិសាចក្រហម Manchester United បានបរាជ័យក្រោមថ្វីជើងក្រុម Manchester City ក្នុងលទ្ធផល ៦-៣ ឯណោះក្នុងការប្រកួតពានរង្វាន់ English Premier League កាលពីយប់មិញនេះ។
ក្នុងការប្រកួតនេះដែរ លោក Erik ten Hag អ្នកចាត់ការក្រុម Manchester United មិនបានដាក់ Cristiano Ronaldo ឱ្យចូលលេងជម្រើសដំបូងនោះទេ ហើយរហូតដល់ចប់ការប្រកួតលោកក៏មិនព្រមប្ដូរគេឱ្យចូលលេងដែរ។ ដោយសម្រេចចិត្តដូរ Martial ឱ្យចូលវិញ។ យ៉ាងណាមិញ ការសម្រេចចិត្តនេះដែរ ក៏ធ្វើឱ្យក្រុមបិសាចក្រហមបរាជ័យក្នុងលទ្ធផល ៦-៣ ឯណោះក្នុងជំនួប Manchester Derby នេះ។ មានការរិះគន់ជាច្រើនកើតឡើងក្រោយចប់ការប្រកួតផងដែរ។
ជាក់ស្ដែងលោក Roy Keane អតីតកីឡាករ Man Utd ម្នាក់បាននិយាយថាការធ្វើបែបនេះពីសំណាក់លោក Ten Hag គឺហាក់បីដូចជាមើលស្រាលនិងមិនគោរពដល់ Ronaldo ឡើយ។ គេជាកីឡាករសំខាន់ម្នាក់និងមានបទពិសោធច្រើនក្នុងការប្រកួត។ វាសក្ដិសមណាស់ក្នុងការឱ្យគេបានចូលលេងខ្លះ។ មួយវិញទៀត ប្រសិនបើមិនចង់ឱ្យគេលេងបែបនេះ គួរតែលក់គេចេញនៅរដូវកាលដោះដូរកីឡាករទៅ៕