អ្នកស្រី សាំង សុម៉ាលី ភរិយារបស់លោកគ្រូ អេ ភូថង បានបង្ហោះនៅលើបណ្ដាញសង្គម បង្ហាញពីការមិនសប្បាយចិត្ត នៅពេលឃើញគេរិះគន់កូនប្រុសទាំងពីររបស់ខ្លួនដែលប្រកួតនៅសង្វៀនប្រទេសថៃ។
កាលពីសប្ដាហ៍មុននេះ កូនប្រុសទាំងពីររបស់ អេ ភូថង គឺ កីឡាករ អេ អាំម៉ារីន និង ម៉ឺន មេឃា សុទ្ធតែអាចយកឈ្នះម្ចាស់ផ្ទះថៃបានទាំងពីរ ក្នុងការប្រកួតនៅសង្វៀនល្បីឈ្មោះមួយ។ តែក្រោយពីចប់ការប្រកួតនោះទៅ មានមតិមួយចំនួនបានរិះគន់ និងនិយាយថាគេយកកីឡាករថៃ មិនខ្លាំងទេមកប្រកួតជាមួយ ទើបកូនប្រុសរបស់ អេ ភូថង ទាំងពីរអាចយកឈ្នះបានដោយស្រួល។
សម្ដីនេះហើយ ទើបធ្វើឱ្យអ្នកស្រី សាំង សុម៉ាលី ភរិយារបស់លោកគ្រូ អេ ភូថង មិនសប្បាយចិត្ត និងលែងចង់ឱ្យកូនខ្លួនចេញទៅប្រកួតនៅក្រៅប្រទេស ដើម្បីផ្សព្វផ្សាយគុនខ្មែរទៀតហើយ។ អ្នកស្រី បានសរសេរថា៖ “យកថៃដកដំឡូងឲ្យប្រកួតជាមួយកូនលោកស្រី។ វ៉ៃអន់ណាស់គួរយកកីឡាករនេះ កីឡាករនោះទៅវ៉ៃវិញ”។ ការនិយាយបែបនេះ លោកស្រី លែងចង់នាំកូនទៅវាយទៀតហើយ៕