The Glazers បានកំណត់ពេលវេលាចុងក្រោយម៉ោង ១០យប់នៅថ្ងៃសុក្រសម្រាប់ការផ្តល់សំណើទីញក្លឹប។ មុនពេលកំណត់នេះត្រូវបានគេបញ្ជាក់ថាវិនិយោគិនកាតា Sheikh Jassim bin Hamad bin Jaber Al Thani បានបើកការដេញថ្លៃដើម្បីទិញយកក្លឹប ១០០ភាគរយ។
Sheikh Jassim គឺជាប្រធានធនាគារដ៏ធំបំផុតមួយរបស់ប្រទេសកាតា ដែលមានចក្ខុវិស័យនៃការដេញថ្លៃនេះគឺដើម្បីឱ្យ Manchester United មានភាពល្បីល្បាញខាងផ្នែកបាល់ទាត់ និងដើម្បីវិនិយោគនៅក្នុងសហគមន៍ដែលគាំទ្រដោយក្លឹប Old Trafford និងហេដ្ឋារចនាសម្ព័ន្ធធំទូលាយ។
ព័ត៌មាននៃការដេញថ្លៃរបស់ Sheikh Jassim ត្រូវបានបន្តដោយការបញ្ជាក់ពីការផ្តល់ជូនដែលធ្វើឡើងដោយអ្នកគាំទ្រក្រុម United លោក Sir Jim Ratcliffe និង Ineos។
Ineos បាននិយាយថា “យើងនឹងឃើញតួនាទីរបស់យើងជាអ្នកថែរក្សារយៈពេលវែងរបស់ Manchester United ក្នុងនាមអ្នកគាំទ្រ និងសហគមន៍ទូលំទូលាយ។ យើងមានមហិច្ឆតា និងការប្រកួតប្រជែងខ្ពស់ ហើយចង់វិនិយោគនៅ Manchester United ដើម្បីធ្វើឱ្យពួកគេក្លាយជាក្លឹបលំដាប់លេខមួយក្នុងពិភពលោកម្តងទៀត”។
បន្ទាប់មកកាសែត The Times បានលាតត្រដាងកាលពីថ្ងៃសៅរ៍ថាមូលនិធិការពារហានិភ័យរបស់សហរដ្ឋអាមេរិក Elliott បានធ្វើការដេញថ្លៃនៅនាទីចុងក្រោយសម្រាប់ក្លឹប។ ទោះយ៉ាងណាគេអះអាងថាពួកគេមិនចង់បានការកាន់កាប់ពេញលេញទេ។ Elliott ធ្លាប់ជាកម្មសិទ្ធិរបស់ AC Milan រហូតដល់ឆ្នាំមុន។
The Sun បានអះអាងថា Glazers នឹងប្រាប់អ្នកដេញថ្លៃទិញ United ថាក្លឹបមិនលក់ក្នុងតម្លៃតិចជាង ៦ពាន់លានផោននោះទេ៕