ខ្សែប្រយុទ្ធ Richarlison រត់ទៅអបអរជាមួយក្រុមគ្រួសារនិងមិត្តភក្ដិ រំភើបរហូតស្រក់ទឹកភ្នែក នៅពេលរូបគេរកគ្រាប់បាល់ឱ្យក្រុម Spurs បានក្នុងការប្រកួតពានរង្វាន់ UEFA Champions League ។
ក្រុម Spurs បានយកឈ្នះលើក្រុម Marseille បានក្នុងលទ្ធផល ២-០ ដោយ២គ្រាប់នោះដែរ រកបានដោយខ្សែប្រយុទ្ធ Richarlison ទាំងពីរគ្រាប់តែម្ដង។ ដោយនេះជាការបង្ហាញខ្លួន និងរកគ្រាប់បាល់ដំបូងបាននៅ UCL ផង ទើបធ្វើឱ្យកីឡាករប្រេស៊ីលនេះសប្បាយចិត្តមែនទែន។ រូបគេបានរត់ទៅអបអរគ្រាប់បាល់នោះជាមួយមិត្តភក្ដិនិងក្រុមគ្រួសាររបស់គេ ហើយថែមទាំងសប្បាយចិត្តរហូតស្រក់ទឹកភ្នែកថែមទៀត។
ក្រុម Spurs ក្រោមការដឹកនាំរបស់លោក Antonio Conte ឃើញថាធ្វើបានល្អណាស់ ជាពិសេសបន្ទាប់ពីពួកគេទិញកីឡាករថ្មីចូលច្រើននាក់ ដូចខ្សែប្រយុទ្ធ Richarlison ខាងលើនេះ។ កីឡាករជម្រើសជាតិប្រេស៊ីលរូបនេះ តែងតែធ្វើបានល្អជានិច្ច ហើយជាពិសេសយប់មិញរកបានដល់ទៅ២គ្រាប់ថែមទៀត៕