ក្រុមបិសាចក្រហម Manchester United ចាប់ផ្ដើមលេងល្អឡើងវិញហើយ ក្រោយពីលេងចាញ់២ប្រកួតជាប់គ្នានៅដើមរដូវកាលកន្លងទៅនេះ។
ជាក់ស្ដែងនៅយប់មិញនេះ ប្រកួតទល់ក្រុម Leicester City ក្រុមរបស់លោក Erik ten Hag ក៏អាចយកជ័យជម្នះបានទៀតក្នុងលទ្ធផល ១-០។ ដោយខ្សែប្រយុទ្ធ Sancho ជាអ្នកធ្វើបានសម្រេចគ្រាប់បាល់នៅនាទី២៣ក្នុងតង់ទី១។ ខណៈដែលនេះក៏ជាការឈ្នះប្រកួតទី៣ ជាប់គ្នាផងដែរសម្រាប់ក្រុមបិសាចក្រហម ដើម្បីមាន៩ពិន្ទុហក់ពីបាតតារាងឡើងមកដល់លេខ៥វិញ។ ដោយឆ្លងកាត់៥ប្រកួតកន្លងមក ពួកគេចាញ់២ និងឈ្នះ៣ប្រកួត។
ដោយឡែកក្នុងការប្រកួតនេះដែរ ខ្សែប្រយុទ្ធស្នូល Cristiano Ronaldo ក៏បន្ដអង្គុយកៅអីបម្រុងសម្រាប់តង់ទី១សិនដដែល។ គេត្រូវបានប្ដូរចូលនៅតង់ទី២ និងមានឱកាសរកគ្រាប់បាល់ប៉ុន្មានដងដែរ ប៉ុន្តែមិនទាន់មានសំណាងនោះទេ៕