កីឡាករ Alan Shearer ដែលជាអ្នកកាន់កាប់កំណត់ត្រាស៊ុតបញ្ចូលទីច្រើនជាងគេនៅ Premier League បានត្រូលតារាឆ្នើមរបស់ Man City កីឡាករ Haaland បន្ទាប់ពីគេបង្ហាញលើកដំបូងបានជោគជ័យ ដោយស៊ុត ២គ្រាប់ទៅលើក្រុម West Ham។Haaland វ័យ ២២ឆ្នាំបានលេងក្នុងការប្រកួត Premier League លើកដំបូងរបស់គាត់នៅឯកីឡដ្ឋាន London និងបានដឹកនាំ Man City ឈ្នះ ២-០ លើក្រុមញញួរ West Ham។ខ្សែប្រយុទ្ធរូបនេះចាប់ផ្តើមមានឈ្មោះបោះសម្លេងចាប់តាំងពីគេលេងជាមួយក្រុម Red Bull Salzburg ក្នុងឆ្នាំ ២០១៩ និងបានស៊ុតបញ្ចូលទីសរុប ២៩គ្រាប់ក្នុង ២៧ប្រកួតក្នុងប្រទេសអូទ្រីស មុនពេលផ្លាស់ទៅ Borussia Dortmund ក្នុងឆ្នាំ២០២០។
មនុស្សជាច្រើនរំពឹងថាម៉ាស៊ីនគ្រាប់បាល់ Haaland នឹងឈ្នះជើងឯក Premier League ហើយក៏ប្រហែលជាបំបែកកំណត់ត្រាទៀតផងពេលផ្លាស់មក Man City។ប៉ុន្តែ Shearer ដែលជាអ្នកស៊ុតបញ្ចូលទីច្រើនជាងគេនៅ Premier League ពោលគឺបាន ២៦០គ្រាប់ បានដាក់ Haaland ជំនួសកន្លែងអ្នករកគ្រាប់បាល់ច្រើនជាងគេរបស់គាត់ជាមួយនឹងការត្រូលបន្ថែមនៅលើ Twitter បន្ទាប់ពីការរកបាន ២គ្រាប់របស់ Haaland។
វីរបុរសរបស់ Newcastle រំឭកផងដែរថា កីឡាករន័រវេសរូបនេះ នៅមានផ្លូវវែងឆ្ងាយតទៅទៀត ដើម្បីតាមស្មើកំណត់ត្រាគ្រាប់បាល់នៅ Premier League របស់គាត់។Shearer បានសរសេរត្រូល Haaland នៅលើ Twitter ថា៖ “@ErlingHaaland 258 to go!!!!” ដែលមានន៏យថា “@ErlingHaaland ខ្វះ ២៥៨គ្រាប់ទៀត!!!!”
ប្រភព៖ បរទេស