Zlatan Ibrahimovic គាំទ្រលោក Jose Mourinho បន្ដដឹកនាំក្រុមបិសាចក្រហម Manchester United ទៀត បើទោះជាមានការរិះគន់ច្រើនកន្លងមកក៏ដោយ។
ដើមរដូវកាលនេះ Jose ដឹកនាំក្រុម Man Utd មិនបានល្អឡើយ ហើយថែមទាំងមានដំណឹងថាអាចនឹងបាត់បង់តំណែងទៀតផង។ យ៉ាងណាមិញ ខ្សែប្រយុទ្ធ Zlatan ដែលធ្លាប់ធ្វើជាកូនក្រុមរបស់អ្នកចាត់ការរូបនេះ នៅតែមានជំនឿចិត្តថា រឿងអាក្រក់ទាំងអស់នឹងរំលងទៅក្នុងពេលឆាប់ៗ ហើយលោក Jose នឹង
នៅតែជាអ្នកចាត់ការក្រុម Man Utd ដដែល។ បន្ថែមពីលើនេះទៀត Zlatan ក៏ស្នើសុំដល់អ្នកគាំទ្រ Man Utd ទាំងអស់ ឱ្យរក្សាភាពស្ងៀមស្ងាត់វិញទៅ ព្រោះថាលោក Jose នៅតែជា Jose ។ លោកអាចកែប្រែស្ថានការបានជាក់ជាមិនខាន។
ក្រុម Man Utd ទើបតែមាន១៣ពិន្ទុប៉ុណ្ណោះ ឆ្លងកាត់៨ប្រកួត និងឈរនៅចំណាត់ថ្នាក់ទី៨ក្នុងតារាងលីគកំពូលអង់គ្លេស។ នៅចុងសប្ដាហ៍នេះ ពួកគេនឹងត្រូវតតាំងជាមួយក្រុម Chelsea ដែលជាក្រុមមិនទាន់ស្គាល់ពាក្យថាចាញ់ថែមទៀត៕ប្រភពDailyMail