Gonzalo Higuain បាននិយាយពីរឿងរ៉ាវដែលកើតឡើងចំពោះខ្លួន ក្រោយពីវត្តមានរបស់ Cristiano Ronaldo មកដល់ Juventus កាលពីដើមរដូវកាលនេះ។
Higuain បាននិយាយថា៖ “ថ្ងៃនោះ ខ្ញុំមានអារម្មណ៍នឹងមានរឿងកើតឡើងមកលើខ្ញុំ ហើយពួកគេបានចុះកុងត្រាយក Ronaldo មក។ ការចាកចេញពី Juventus មិនមែនជាគំនិតខ្ញុំទេ ខ្ញុំបានឱ្យគ្រប់យ៉ាងដល់ក្លឹបនេះ ឈ្នះពានរ្ងវាន់ជាច្រើន ប៉ុន្តែពេល Ronaldo មកដល់ ពួកគេបានមកនិយាយជាមួយខ្ញុំ។ ពួកគេបានឱ្យខ្ញុំស្វែងរកក្លឹបថ្មី ហើយជម្រើសល្អបំផុតរបស់ខ្ញុំគឺ AC Milan នេះហើយ”។
អតីតកីឡាករ Real Madrid ខាងលើ បានចូលលេងឱ្យ Juventus នៅឆ្នាំ២០១៦ ក្រោយពីរូបគេបានបង្ហាញទម្រង់លេងល្អនៅ Napoli ។ លេង២រដូវកាលមកនេះ កីឡាករវ័យ៣០ឆ្នាំជួយក្រុមឈ្នះពានរង្វាន់ជាច្រើនក្នុងស្រុក ដោយបង្ហាញខ្លួនបាន១០៥ប្រកួត រកបាន៥៥គ្រាប់។ យ៉ាងណាមិញ រូបគេត្រូវផ្លាស់ទៅលេងនៅ AC Milan ក្រោមលក្ខខណ្ឌខ្ចីជើង បន្ទាប់ Ronaldo មកទឹកដីអ៊ីតាលី៕ប្រភពDailyMail
