• Real Madrid ​ទាក់ទង​លោក Conte ​ត្រៀម​ជំនួស​តំណែង Julen

    ក្លឹប Real Madrid ​បាន​ទាក់ទង​លោក Antonio Conte ​រួច​ជា​ស្រេច​ហើយ ​ដើម្បី​មក​ជំនួស​តំណែង​លោក Julen Lopetegui ​ក្រោយ​ពី​ដឹក​នាំ​ក្រុម​មិន​បាន​ល្អ។

    កាសែត​អ៊ីតាលី ​បាន​បញ្ជាក់​រឿង​ខាង​លើ​នេះ ​ហើយ​សរសេរ​ទៀត​ថា​លោក Julen ​មាន​ពេល​៣​ប្រកួត​ទៀត​ប៉ុណ្ណោះ ដើម្បី​រក្សា​តំណែង​ការងារ​របស់​ខ្លួន​នៅ Real Madrid ​។ ប្រសិន​បើ​៣​ប្រកួត​នោះ ​ធ្វើ​មិន​បាន​ល្អ​ទៀត ​លោក​នឹង​ត្រូវ​បណ្ដេញ​ចេញ​ហើយ។ ដោយ​បច្ចុប្បន្ន​ថ្នាក់​លើ​របស់ Real Madrid ​មិន​ពេញ​ចិត្ត​ចំពោះ​លទ្ធផល​និង​ទម្រង់​លេង​នៃ​ក្រុម​ទាំង​មូល​ឡើយ ត្បិត​អី​លោក Julen ​ប្រើប្រាស់​កីឡាករ​ក្មេង​ៗ​ច្រើន ​ដើម្បី​ឱ្យ​ពួកគេ​បាន​លេង ប៉ុន្តែ​មើល​ទៅ​លើ​លទ្ធផល​មិន​ល្អ​ទេ។

    ៣​ប្រកួត​បន្ទាប់​របស់ Real Madrid  ​គឺ​ប៉ះ ​Levante ពាន La Liga ​ថ្ងៃ​ទី​២០​ខែ​តុលា ​ប៉ះ Viktoria Plzen ​ពាន​រង្វាន់ UEFA Champions League ​ថ្ងៃ​២៣​តុលា និង​ប៉ះ Barcelona ​ពាន​រង្វាន់ La liga ​នៅ​ថ្ងៃ​២៨​ខែ​តុលា​ឆ្នាំ​២០១៨៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT