អ្នកចាំទី Kasper Schmeichel បានសម្រេចចិត្តចាកចេញពីក្រុម Leicester City ទៅចូលរួមជាមួយក្រុម Nice ហើយ ក្រោយពីរួមរស់ជាមួយគ្នាអស់រយៈពេល១១ឆ្នាំ។
អ្នកចាំទីជម្រើសជាតិដាណឺម៉ាកខាងលើនេះចូលរួមជាមួយក្រុម Leicester City នៅឆ្នាំ២០១១កន្លងទៅក្នុងតម្លៃខ្លួនត្រឹមតែ១,៥លានផោនប៉ុណ្ណោះ និងបានជួយក្លឹបបង្កើតប្រវត្តិសាស្ត្របានផងដែរនៅឆ្នាំ២០១៦ គ្រាដែលពួកគេឈ្នះពានរង្វាន់ English Premier Leagueនិង FA Cup នៅឆ្នាំ២០២១។ តែយ៉ាងណា ក្រោយពីចំណាយពេលដល់ទៅ១១ឆ្នាំនៅក្លឹប Leicester City នៅពេលនេះ រូបគេក៏បានសម្រេចចិត្តទៅរកបទពិសោធថ្មីហើយ។
Kasper Schmeichel ចូលរួមជាមួយក្រុម Nice ជាមួយកុងត្រារយៈពេល៣ឆ្នាំ។ នេះជាកីឡាករល្បីម្នាក់ទៀតដែលចូលរួមជាមួយក្រុមនៅលីគកំពូលបារាំងនេះ ក្រោយពី Aaron Ramsey ដែលទើបប្រកាសកាលពីពេលថ្មីៗនេះដែរ៕