ក្រុមអ្នកមានបុណ្យ FC Barcelona បានចាប់ផ្ដើមដេញថ្លៃយកខ្សែប្រយុទ្ធ Robert Lewandoski ពីក្រុម Bayern Munich ហើយក្នុងតម្លៃខ្លួន៣០លានផោន។
ក្រោយពីកីឡាករ Lewandoski បានប្រកាសចង់ចាកចេញពីអាល្លឺម៉ង់ ហើយចូលរួមជាមួយក្រុម Barcelona មក ពេលនេះក្រុមការងាររបស់លោក Xavi បានចាប់ផ្ដើមចរចាជាមួយក្លឹប Bayern Munich ហើយ។ ដោយការដេញថ្លៃតម្លៃដំបូងនោះគឺ៣០លានផោន។ តែបើតាមអ្វីដែលក្រុម Bayern និយាយកន្លងមក តម្លៃត្រឹម៣០លានផោននេះទំនងជាពួកគេមិនទាន់យល់ព្រមលក់នោះទេ។
ខ្សែប្រយុទ្ធប៉ូឡូញខាងលើបានលេងឱ្យក្រុមយក្សអាល្លឺម៉ង់ខាងអស់រយៈពេល៨ឆ្នាំមកហើយ និងតែងតែជួយក្លឹបនេះឈ្នះពានរង្វាន់លីគកំពូលរហូត។ កីឡាករវ័យ៣៣ឆ្នាំខាងលើនេះ នៅសល់កុងត្រា១ឆ្នាំទៀតដែរនៅក្រុម Bayern Munich តែរូបគេចង់ចេញនៅរដូវកាលនេះតែម្ដង មិនរង់ចាំដល់អស់កុងត្រានោះទេ៕ ប្រភព ៖ dailymail
