ក្លឹបតោខៀវ Chelsea បានយកឈ្នះ ២-០ ទៅលើ Crystal Palace សម្រាប់ការប្រកួតវគ្គពាក់កណ្តាលផ្តាច់ព្រ័ត្រ ពានរង្វាន់ FA Cup។ គ្រាប់បាល់ទាំងពីរសម្រេចបានដោយកីឡាករ Ruben Loftus-Cheek និង Mason Mount។ នេះកំណត់ឲ្យតោ ត្រូវឡើងទៅជួបហង្សក្រហម Liverpool សម្រាប់វគ្គផ្តាច់ព្រ័ត្រខាងមុខ។
ក្រោយចប់ប្រកួតយប់មិញ ប្រាប់ទៅប៉ុស្តិ៍ ITV Sport ខ្សែបម្រើ Loftus-Cheek និយាយ៖ “ខ្ញុំមានអារម្មណ៍ថាពិតជាអស្ចារ្យនៅប្រកួតវគ្គផ្តាច់ព្រ័ត្រ [Carabao Cup] សារមុន ដូច្នេះពេលវេលានេះ យើងនឹងសងសឹកពួកគេ យកពានឲ្យបានវិញ”។
ទន្ទឹមនោះ ខ្សែប្រយុទ្ធ Mount ក៏និយាយស្រដៀងគ្នា៖ “វាគួរដល់ពេលហើយដែលយើងត្រូវឈ្នះវគ្គផ្តាច់ព្រ័ត្រ នៅ Wembley សម្រាប់ខ្ញុំ នេះបានចាញ់វគ្គផ្តាច់ព្រ័ត្រ ៥ លើករួចមកហើយ ដូច្នេះក៏ដល់ពេលយើងដាក់សម្ពាធលើខ្លួនឯង វានឹងក្លាយជាប្រកួតដ៏តានតឹងមួយ យើងត្រូវយកជ័យជម្នះត្រលប់មកវិញ”។ រំឭកថា Chelsea បានចាញ់នៅបាល់ប៉េណាល់ទី ១០-១១ ក្រោមថ្វីជើងរបស់ Liverpool កាលពីវគ្គផ្តាច់ព្រ័ត្រ EFL Cup នៅចុងខែកុម្ភៈ៕
ប្រភព៖ ITV Sport